வீடு வீடாக நடந்துசென்று பரப்புரை மேற்கொண்ட திமுக வேட்பாளர்!

சென்னை: தாம்பரம் சட்டபேரவைத் தொகுதி திமுக வேட்பாளர் எஸ்.ஆர். ராஜா வீடு வீடாக நடந்துசென்று பரப்புரை மேற்கொண்டு வாக்குச் சேகரிப்பில் ஈடுபட்டார்.

திமுக வேட்பாளர் எஸ்.ஆர். ராஜா தாம்பரம் சட்டப்பேரவைத் தொகுதி முழுவதும் கடந்த பத்து நாள்களுக்கு மேல் தொடர்ந்து வாக்குச் சேகரிப்பில் ஈடுபட்டுவருகிறார்.

அந்த வகையில், இன்று (மார்ச் 31) ரங்கநாதபுரம் பகுதியில் வீடு வீடாக நடந்துசென்று திமுகவின் தேர்தல் அறிக்கையில் குறிப்பிட்டுள்ள திட்டங்களைக் கூறி வாக்குச் சேகரிப்பில் ஈடுபட்டார்.

அப்பொழுது அந்தப் பகுதி மக்களிடம் திமுகவின் தேர்தல் அறிக்கையைப் பற்றி எடுத்துரைத்தார். திமுக ஆட்சிக்கு வந்தால் மகளிர் சுய உதவிக்குழு கடன் தள்ளுபடி செய்யப்படும். ரங்கநாதபுரம் பகுதியில் உள்ள எல்லா பிரச்சினைகளும் சரிசெய்து தரப்படும் எனக் கூறி வாக்குச் சேகரித்தார்.