நீலகிரி மாவட்டம், குன்னூர் அருகே வெலிங்டன் பகுதியில் உள்ள மெட்ராஸ் ரெஜிமென்ட் ராணுவ மையத்தில் இளம் ராணுவ வீரர்களுக்குப் பயிற்சி அளிக்கப்பட்டு வருகிறது. இங்கு பயிற்சி பெறும் வீரர்கள் நாட்டின் பல்வேறு பகுதிகளுக்குப் பாதுகாப்பு பணிக்காக அனுப்பப்பட்டு வருகின்றனர்.
கரோனா ஊடரங்கு காரணமாக வாழ்வாதாரம், வருமானத்தை இழந்துள்ள மக்களுக்கு வெலிங்டன் ராணுவ மையம் சார்பில் அத்தியாவசியப் பொருட்கள், உணவு ஆகியவை வழங்கப்பட்டது.
மெட்ராஸ் ரெஜிமென்ட் மையத்தின் சார்பில் ராணுவ வீரர்கள் மாவட்டத்தின் பல்வேறு பகுதியில் உள்ள ஏழை எளிய மக்கள், தினக் கூலி தொழிலாளர்களுக்கு உணவு அளித்தனர். குன்னூர் வெலிங்டன் கன்டோன்மென்ட் வாரியத்திற்கு உட்பட்ட மக்களுக்கும் வழங்கப்பட்டது.
மேலும் தனியார் குழு மூலம் பழங்குடியின கிராம மக்களுக்கு அத்தியாவசியப் பொருட்கள் வழங்கப்பட்டன.
இதையும் படிங்க: ஹெச்.பி.எல். நிறுவனத்தில் முதலமைச்சர் திடீர் ஆய்வு
