சென்னை: சென்னை அடுத்த பல்லாவரத்தில் ஒலிம்பியா கிரான்ட் அடுக்குமாடி குடியிருப்பு உள்ளது. இங்கு சுமார் 3 ஆயிரத்திற்கும் மேற்பட்டோர் வசித்து வருகின்றனர். இந்நிலையில் கடந்த 2015ஆம் ஆண்டு 745 குடியிருப்புகளை கொண்ட இந்த அடுக்குமாடி குடிருப்பு கட்ட நிர்மாண் பிரைவேட் லிமிடெட் நிறுவனத்திற்கு பல்வேறு நிபந்தனைகளின் கீழ், சுற்றுச்சூழல் தாக்க மதிப்பீட்டு ஆணையம் அனுமதி வழங்கியது.
அதில் குறிப்பாக, கழிவு நீர் சுத்திகரிப்பு நிலையம் மற்றும் திடக்கழிவு மேலாண்மை வசதிகளை அமைக்க வேண்டும் என தெரிவிக்கப்பட்டிருந்தது. இதற்கு சம்மதம் தெரிவித்த அந்நிறுவனம், பெயருக்கென்று ஒரு கழிவு நீர் சுத்திகரிப்பு நிலையத்தை கட்டி இருப்பதாகவும், அது முறையாக அமைக்கப்படதாதால் கழிவுநீர் வெளியில்வந்து துர்நாற்றம் வீசுவதுடன், கொசுக்களும் உற்பத்தியாவதாக குடியிருப்பு வாசிகள் குற்றம் சாட்டினர்.
இந்நிலையில், முறையாக கழிவுநீர் சுத்திகரிப்பு நிலையம் அமைக்காத கே.எஸ்.எம். நிர்மாண் கட்டுமான நிறுவனத்திற்கு எதிராக நடவடிக்கை எடுக்க வேண்டுமென ஒலிம்பியா கிரான்ட் அடுக்குமாடி குடியிருப்போர் சங்கத்தின் சார்பில் சென்னையில் உள்ள தேசிய பசுமை தீர்ப்பாயத்தின் தென் மண்டல அமர்வில் வழக்கு தொடரப்பட்டது. அந்த வழக்கை நீதித்துறை உறுப்பினர் புஷ்பா சத்யநாராயணா, நிபுணத்துவ உறுப்பினர் சத்யகோபால் ஆகியோர் விசாரித்தனர்.
