கரோனா தொற்றால் பாதிக்கப்பட்ட கன்னியாகுமரி நாடாளுமன்ற உறுப்பினர் வசந்தகுமார் நேற்று மாலை சிகிச்சை பலனின்றி உயிரிழந்தார். அவரது மறைவிற்கு திரைப் பிரபலங்கள், அரசியல் தலைவர்கள் என பலரும் தங்களது இரங்கலை தெரிவித்து வருகின்றனர்.
அந்த வகையில் இயக்குநர் சுசீந்திரன் வெளியிட்டுள்ள இரங்கல் செய்திக் குறிப்பில் கூறியிருப்பதாவது, "வீரவணக்கம், மக்கள் நலப்பணியில் ஈடுபட்டு கோவிட்-19ஆல் உயிர் நீத்த நாடாளுமன்ற உறுப்பினர் ஹெச்.வசந்தகுமார் அவர்களுக்கு, எனது வீரவணக்கத்தை செலுத்திக் கொள்கிறேன்.
அய்யா அவர்களை பிரிந்து வாடும் எங்கள் கலைத்துறையை சார்ந்த விஜய் வசந்த் நண்பருக்கும், தொண்டர்கள், குடும்பத்தினர் அனைவருக்கும் ஆழ்ந்த அனுதாபங்களை கூறிக் கொள்கிறேன்" என்று தெரிவித்துள்ளார்.
