நட்புறவுடன் இருக்கும் கலாச்சாரம் தற்போது இல்லை.. தமிழிசை சௌந்தரராஜன்

அரசியலுக்கு அப்பாற்பட்டு எல்லா இயக்கங்களும் நட்புறவுடன் இருக்கும் கலாச்சாரம் தற்போது இல்லை என தெலங்கானா ஆளுநர் தமிழிசை சௌந்தரராஜன் வருத்தம் தெரிவித்துள்ளார்.

ஜி.கே. மூப்பனாரின் 21வது நினைவு தினத்தையொட்டி, சென்னை தேனாம்பேட்டையில் உள்ள அவரது நினைவிடத்தில் தெலங்கானா ஆளுநர் தமிழிசை சௌந்தரராஜன் மரியாதை செலுத்தினார்.

பின்னர் செய்தியாளர்களிடம் பேசிய தமிழிசை சௌந்தரராஜன், "ஜி.கே.மூப்பனாருக்கு அஞ்சலி செலுத்தியதற்காக பெருமை கொள்கிறேன். ஒரு குடும்ப உறுப்பினராக இங்கே வந்துள்ளேன். அரசியலுக்கு அப்பாற்பட்டு எல்லா இயக்கங்களுடன் நட்புறவுடன் இருந்ததற்கு உதாரணம் மூப்பனார். ஆனால் அத்தகைய கலாச்சாரம் இப்போது இல்லை என வருத்தம் தெரிவித்தார்.

அரசியல் அல்லாத ஒரு நிகழ்ச்சிக்கு சென்று விட்டால் கூட அதில் வேறு மாதிரி சாயம் பூசும் பழக்கம் தற்போது இருக்கிறது என அவர் கூறினார்.

இதையும் படிங்க: வில்பட்டி பிரதான சாலை பணியை தரமான முறையில் அமைக்க மக்கள் கோரிக்கை