தமிழ்நாடு தலைமைச் செயலகச் சங்கத்தின் சார்பாக முதலமைச்சர் எடப்பாடி பழனிசாமிக்கு கடிதம் மூலம் பல்வேறு கோரிக்கைகளை வைத்திருந்தனர். அதனடிப்படையில், தமிழ்நாடு அரசு வெளியிட்டுள்ள ஆணையில், தங்கள் கோரிக்கையை ஏற்றதற்கு நன்றி தெரிவித்துக் கொண்டனர்.
இந்நிலையில், தமிழ்நாடு தலைமைச் செயலகச் சங்கத்தின் தலைவர் பீட்டர் அந்தோணிசாமி வெளியிட்டுள்ள அறிக்கையில், "தங்களது கோரிக்கையினை ஏற்று ஊரடங்கு நேரத்தில் அனைத்து நிலை அரசுப் பணியாளர்கள் மற்றும் ஆசிரியர்கள் பணிக்கு வராத நாள்களை பணிக்காலமாக அரசு வெளியிட்டுள்ளது. அதேபோன்று, மாற்றுத்திறனாளிகள் மற்றும் கர்ப்பிணி பணியாளர்களும் ஊரடங்கு காலத்தில் பணிக்கு வருவதற்கு முழு விலக்கு அளிக்கப்பட்டது.
55 வயதுக்கு மேற்பட்ட பணியாளர்கள் பல்வேறு நோய்களால் பாதிக்கப்பட்டவர்களுக்கும் முழு விலக்கு அளிக்கப்பட்டது. பணியாளர்கள் மற்றும் அவர்களது குடும்பத்தினர் கரோனாவால் பாதிக்கப்பட்டிருந்தால் விடுப்பு உள்ளிட்ட 10 முக்கிய அறிவுப்புகளை உள்ளடக்கிய அரசாணை (நிலை) என் 304-ன் படி 17ஆம் தேதி தமிழ்நாடு அரசு சார்பில் வெளியிட்ட முதலமைச்சர் பழனிசாமிக்கு தமிழ்நாடு தலைமைச் செயலக சங்கம் அனைத்து அரசுப் பணியாளர்கள் ஆசிரியர்கள் நன்றியை தெரிவித்துக்கொள்கிறது" என்று குறிப்பிட்டுள்ளார்.
இதையும் படிங்க: மின் கட்டணம் செலுத்துவதற்கான கால அவகாசம் நீட்டிக்கப்படாது: தமிழக அரசு
