சென்னை: வடகிழக்குப் பருவமழை தீவிரம் அடைந்த நிலையில் தமிழ்நாடு முழுவதும் பரவலாக கனமழை பெய்துவருகிறது. இந்த நிலையில் வரும் மூன்று நாள்கள் மழை தீவிரமாக இருக்கும் எனச் சென்னை வானிலை ஆய்வு மையம் தெரிவித்துள்ளது.
இந்த மழைக் காரணமாக சென்னையில் பல இடங்களில் வெள்ளம் ஏற்பட்டுள்ளது. இதையடுத்து மழையால் பாதிக்கப்பட்ட இடங்களை ஸ்டாலின் ஆய்வு மேற்கொண்டுவந்தார். மக்களை நேரில் சந்தித்து நிவாரணப் பொருள்களை வழங்கினார். இதையடுத்து அமைச்சர்களுடன் அவசர ஆலோசனை நடத்தினார்.
சென்னை மாநகராட்சி அலுவலர்களும் தீயணைப்பு - மீட்புத் துறை அலுவலர்களும் முழுவீச்சில் நீரை வெளியேற்றும் பணியில் ஈடுபட்டுவருகின்றனர்.
இந்நிலையில், மழைவெள்ள பாதிப்புகள் குறித்து ஆலோசிக்க மு.க. ஸ்டாலின் இன்று (நவம்பர் 27) காலை 11 மணிக்கு கிண்டியில் உள்ள ராஜ்பவனில் ஆளுநர் ஆர்.என். ரவியைச் சந்திக்கிறார்.
இதையும் படிங்க: School,College Leave : கனமழை - பள்ளி, கல்லூரிகளுக்கு விடுமுறை
