நாங்குநேரி,விக்கிரவாண்டி இடைத்தேர்தல் எப்போது? தேர்தல் அலுவலர் பதில்!

சென்னை: நாங்குநேரி, விக்கிரவாண்டி தொகுதிகளுக்கு இடைத்தேர்தல் தேதி அறிவித்த பின் அதற்கான பணிகள் தொடங்கும் என தலைமைத் தேர்தல் அலுவலர் சத்யபிரத சாகு தெரிவித்துள்ளார்.

தமிழ்நாடு தலைமைத் தேர்தல் அலுவலர் சத்யபிரத சாகு இன்று செய்தியாளர்களிடம் பேசுகையில், "மாவட்ட ஆட்சியர் வேலூர் தேர்தல் முடிவை அறிவித்து வெற்றி சான்றிதழை வழங்கிவிட்டார். எந்தவித சட்ட ஒழுங்குப் பிரச்சனையுமின்றி அமைதியான முறையில் வேலூர் தேர்தல் முடிந்துள்ளது.

மின்னணு வாக்குப்பதிவு இயந்திரத்திலும் எந்தவித பிரச்சனையும் ஏற்படவில்லை. அனைத்து அதிகாரிகளும் அமைதியான முறையில் தேர்தல் நடைபெற பணியாற்றி உள்ளனர். நாங்குநேரி,விக்கிரவாண்டி இடைத்தேர்தலுக்கு தேர்தல் ஆணையம் அறிவிப்பு வெளியிட்ட பின் அதற்கான பணிகள் தொடங்கப்படும்" என்றார்.