சென்னை செங்குன்றம் ஜிஎன்டி ரோடு பேருந்து நிலையம் அருகிலுள்ள தனியாருக்குச் சொந்தமான 12,000 சதுர அடியில் வணிக வளாகம் 2004ஆம் ஆண்டு கட்டப்பட்டு இயங்கிவந்தது.
இந்நிலையில் இந்தக் கட்டிடம் முறையான ஆவணங்கள் இன்றி இயங்கியதாகவும், சென்னை பெருநகர வளர்ச்சி குழுமம் அனுமதி பெறாமல் கட்டப்பட்டதாகவும் கூறப்படுகிறது. இதுபற்றி சென்னை சிஎம்டிஏ அலுவலர்கள் நீதிமன்றத்தில் வழக்குத் தொடர்ந்தனர்.
2018ஆம் ஆண்டு இந்தக் கட்டிடத்தை இடித்து அகற்ற சிஎம்டிஏ அலுவலர்களுக்கு உயர் நீதிமன்றம் உத்தரவிட்டிருந்தது. எனினும் இந்தத் தீர்ப்பை மதிக்காமல் மீண்டும் அந்ந கட்டிடத்தில் வணிக வளாகம் இயங்கிவந்தது. இதனால் கடந்த ஆண்டு இந்த கட்டிடத்திற்கு அலுவலர்கள் சீல் வைத்தனர்.
இந்நிலையில், இன்று காலை உயர்நீதிமன்ற உத்தரவின்படி சிஎம்டிஏ அலுவலர்கள் மற்றும் நாரவாரிக்குப்பம் பேரூராட்சி செயல் அலுவலர், வருவாய்த் துறையினர், கிராம நிர்வாக அலுவலர்கள், துப்புரவு ஆய்வாளர்கள், முன்னிலையில் ராட்சத இயந்திரம் மூலம் கட்டிடம் இடித்து தரைமட்டம் ஆக்கப்பட்டது. அந்த பகுதியில் இதனால் அசம்பாவிதம் ஏதும் நடக்காமல் இருக்க காவல்துறை பாதுகாப்பு போடப்பட்டிருந்தது.
இதையும் படிங்க: "அலுவலக கட்டடத்தை நீங்க சரி செய்றீங்களா, நான் செஞ்சிக்கவா" - காட்டமான திமுக எம்எல்ஏ!
