சென்னை அம்பத்தூர் அத்திப்பட்டு ஐ.சி.எஃப். காலனி செல்வியம்மன் நகரைச் சேர்ந்த சேட்டு (60) என்பவர் தனது மனைவி சகுந்தலாவுடன் இருசக்கர வாகனத்தில் அயப்பாக்கத்துக்கு நேற்றிரவு சென்றுகொண்டிருந்தார். அப்போது சாலையில் திடீரென குறுக்கே வந்த மற்றொரு இருசக்கர வாகனத்தின் மோதி இருவரும் நிலைதடுமாறி சாலையில் விழுந்தனர்.
அப்போது பின்னால் வந்த லாரியின் பின்சக்கரம் சகுந்தலாவின் உடல்மீது ஏறி இறங்கியதில் அவர் சம்பவ இடத்திலேயே பரிதாபமாக உயிரிழந்தார். இது தொடர்பான சிசிடிவி காட்சி தற்போது வெளியானது. இதனை அடிப்படையாகக் கொண்டு போக்குவரத்துப் புலனாய்வுப் பிரிவு காவல் துறையினர் லாரி ஓட்டுநரைப் பிடித்து விசாரணை நடத்திவருகின்றனர்.
உயிரிழந்த சகுந்தலாவின் உடலைக் கைப்பற்றி கீழ்ப்பாக்கம் அரசு மருத்துவமனைக்கு உடற்கூறாய்விற்கு காவல் துறையினர் அனுப்பிவைத்தனர். இந்தச் சம்பவம் அப்பகுதியில் பெரும் சோகத்தை ஏற்படுத்தியுள்ளது.
இதையும் படிங்க :புகார் அளிக்கவந்த இளைஞரைத் தாக்கிய பெண் காவலர்: வைரலாகும் சிசிடிவி காட்சி
