தமிழ்நாடு, புதுச்சேரி பார் கவுன்சிலின் 25 நிர்வாகிகள் உறுப்பினர்களுக்கான தேர்தல் கடந்த ஆண்டு மார்ச் 28ஆம் தேதி நடைபெற்றது. 198 பேர் போட்டியிட்ட இத்தேர்தலில் முறைகேடு நடைபெற்றதாக 22 புகார்கள் வந்த நிலையில், உரிய தீர்வு வரும் வரை முடிவுகளை வெளியிடக் கூடாது என உச்ச நீதிமன்றம் உத்தரவிட்டது.
இதனால் கடந்த ஒரு ஆண்டாக தேர்வு முடிவுகள் வெளியிடப்படாமல் இருந்தது. இதனையடுத்து, அகில இந்திய தீர்ப்பாயம் 22 புகார்களையும் தள்ளுபடி செய்து உத்தரவிட்டது.
இதையடுத்து இந்தத் தேர்தலில் போட்டியிட்ட பால் கனகராஜ், அமல்ராஜ், பிரபாகரன் உள்ளிட்ட 25 பேர் பார் கவுன்சில் உறுப்பினர்களாகத் தேர்வு செய்யப்பட்டனர். இந்த 25 பேரில் தலைவர், துணைத் தலைவர், அகில இந்திய பார் கவுன்சில் உறுப்பினர் பதவிக்கு தேர்தல் இன்று நடைபெறுகிறது.
இதில் தலைவர் பதவிக்கு ஆர்.சி.பால்கனகராஜ், அமல்ராஜ் ஆகியோரும், துணைத் தலைவர் பதவிக்கு சிவசுப்ரமணியன், வேல்முருகன், கார்த்திகேயன் ஆகியோரும் போட்டியிடுகின்றனர்.
