சென்னை அடையாறு எல்.பி. சாலையில் கமலக்கண்ணன் என்பவர் பை (Bag) விற்பனை செய்யும் கடை நடத்திவருகிறார். அந்த கடைக்குச் சென்ற நபர் ஒருவர் பள்ளி மாணவர்களுக்கு நிறைய பைகள் வாங்கவேண்டும் என்று கூறி அவரை திசைதிருப்பி சுமார் எட்டாயிரம் ரூபாய் மதிப்பிலான பைகளை தேர்வு செய்து வைத்துள்ளார்.
பின்பு பைகளை எடுத்துச்செல்ல மற்றொருவரை அழைத்து வருவதாகக் கூறிச் சென்ற அந்த நபர், வெகுநேரமாகியும் திரும்பாததால் சந்தேகம் அடைந்த கடையின் உரிமையாளர் கமலக்கண்ணன் சிசிடிவி காட்சிகளை ஆராய்ந்து பார்த்துள்ளார்.
அப்போதுதான் அந்த நபர் கவனத்தை திசைதிருப்பி கடையில் இருந்த பணத்தை திருடிச்சென்றது தெரியவந்துள்ளது. கடையின் உரிமையாளர் கமலக்கண்ணன் இது தொடர்பாக அடையாறு காவல் நிலையத்தில் புகார் அளித்துள்ளார். சிசிடிவி காட்சியில் உள்ள நபர் மேலும், அதே பகுதியில் மற்றொரு கடையில் இதே பாணியில் கைவரிசைக் காட்டி திருடிச்சென்றது தெரியவந்துள்ளது. தற்போது திருட்டில் ஈடுபட்ட நபரை காவல்துறையை தேடிவருகின்றனர்.
இதையும் படிங்க: பெட்ரோல் பங்க் கொள்ளை - சிசிடிவியை வைத்து கொள்ளையனை மடக்கிப்பிடித்த காவல் துறை!
