காந்தி வேடமிட்டு விமான நிலையத்தில் லஞ்ச ஒழிப்பு விழிப்புணர்வு

சென்னை: விமான நிலையத்தில் லஞ்ச ஒழிப்பு விழிப்புணர்வு வாரத்தை முன்னிட்டு ஏர் இந்தியா நிறுவனத்தின் ஊழியர் காந்தி வேடமிட்டு லஞ்ச ஒழிப்பு விழிப்புணர்வு துண்டு பிரசுரங்களை மக்களுக்கு வழங்கினார்.

சென்னை மீனம்பாக்கம் விமான நிலையத்தில் தென் மண்டல ஏர் இந்தியா நிறுவனத்தின் சார்பில் லஞ்ச ஒழிப்பு விழிப்புணர்வு வாரம் கொண்டாடப்பட்டது. அப்போது, ஏர்-இந்திய நிறுவன ஊழியர் காந்தி வேடமிட்டு, விமான நிலையத்திற்கு வந்த பயணிகளுக்கு லஞ்சமில்லாத இந்தியாவை உருவாக்க வேண்டும் என்பதை வலியுறுத்தி விழிப்புணர்வு துண்டு பிரசுரங்களை வழங்கினர்.

மேலும், விமான நிலையத்திற்கு முகக்கவசங்கள் இல்லாமல் வந்தவர்களுக்கு முகக்கவசங்களை வழங்கி கரோனா குறித்த விழிப்புணர்வையும் ஏற்படுத்தினர். குழந்தைகள், பள்ளி மாணவர்களுக்கு ஆன்-லைன் போட்டிகள் நடத்தி லஞ்ச ஒழிப்பு குறித்து விழிப்புணர்வு ஏற்படுத்த உள்ளதாக ஏர் இந்தியா அலுவலர்கள் தெரிவித்தனர்.

இதையும் படிங்க: லஞ்ச ஒழிப்பு வாரம்: விழுப்புரத்தில் உறுதிமொழி ஏற்பு