சென்னை: நகர்ப்புற உள்ளாட்சித் தேர்தலுக்கான வாக்குப்பதிவு பிப்ரவரி 19 ஆம் தேதியன்று நடைபெற உள்ளதால் செமஸ்டர் தேர்வு தேதியை அண்ணா பல்கலைக்கழகம் ஒத்தி வைத்துள்ளது.
பிப்ரவரி 1ஆம் தேதி தொடங்கி மார்ச் முதல் வாரம் வரை தமிழ்நாட்டில் செமஸ்டர் தேர்வுகள் நடைபெறும் என ஏற்கனவே உயர் கல்வித்துறை அறிவிப்பை வெளியிட்டுள்ளது.
அந்த வகையில் பொறியியல் படிப்புகளுக்கான செமஸ்டர் தேர்வு கால அட்டவணையை அண்ணா பல்கலைக்கழகம் வெளியிட்டு இருந்தது. அந்த அட்டவணை அடிப்படையில் 19 ஆம் தேதி குறிப்பிட்ட சில பாடங்களுக்கான செமஸ்டர் தேர்வுகள் நடத்தப்படும் என அறிவிக்கப்பட்டிருந்தது.
இந்த நிலையில் நகர்ப்புற உள்ளாட்சித் தேர்தல் அன்றைய தேதியில் நடைபெற இருப்பதன் காரணமாக அன்றைய தேதியில் நடைபெற உள்ள செமஸ்டர் தேர்வுகள் மார்ச் மாதம் 5, 6 ,9, 11 ஆகிய தேதிகளில் நடத்தப்படும் என அண்ணா பல்கலைக்கழகம் அறிவித்துள்ளது.
இதையும் படிங்க:கர்நாடகாவில் அதிகரிக்கும் கரோனா...!
