கரோனா தொற்று பொதுமுடக்கத்தின் காரணமாக கடந்த மார்ச் மாதம் முதல் கல்லூரிகள் மூடப்பட்டன. இந்த நிலையில் இறுதியாண்டு மாணவர்களுக்கு கடந்த டிசம்பர் மாதம் முதல் வகுப்புகள் தொடங்கப்பட்டன.
தற்போது பி.இ ,பி.டெக், எம்.சி. ஏ, எம்.எஸ். சி, எம்.பி.ஏ ஆகிய அண்ணா பல்கலையின் கீழ் வழங்கப்படும் படிப்புகளுக்கான இரண்டாம், மூன்றாம் ஆண்டு மாணவர்களுக்கான நடப்பு பருவத்திற்கான வகுப்புகள் பிப்ரவரி 18ஆம் தேதி முதல் தொடங்க உள்ளன. மாணவர்களுக்கான இறுதி வகுப்புகள் மே மாதம் 21ஆம் தேதி முடிவடைகிறது. மே மாதம் 24ஆம் தேதி முதல் செய்முறை தேர்வுகள் தொடங்குகின்றன. இந்தப் பருவத்திற்கான தேர்வுகள் ஜூன் மாதம் 2ஆம் தேதி முதல் தொடங்கும் என அறிவிக்கப்பட்டுள்ளது.
மேலும் வேலை நாள்களை ஈடு செய்யும் வகையில் 12 சனிக்கிழமைகளிளும் வகுப்புகள் அறிவிக்கப்பட்டுள்ளன. அடுத்த பருவத்திற்கான வகுப்புகள் ஜூலை மாதம் 1ஆம் தேதி தொடங்கும் எனவும் கூறப்பட்டுள்ளது.
இதையும் படிங்க... பிப்ரவரி 2ஆம் தேதி கூடுகிறது தமிழ்நாடு சட்டப்பேரவை
