பட்டாசு வெடித்து கொண்டாடும் அதிமுக...!

சென்னை: இடைத்தோ்தல் முடிவில் அதிமுகவும் திமுகவும் ஒரே நிலையில் இருப்பதையடுத்து அதிமுக தொண்டர்கள் பட்டாசு வெடித்து கொண்டாடிவருகின்றனர்.

நாடு முழுவதும் இன்று மக்களவைத் தேர்தலுக்கான முன்னணி நிலவரங்கள் வந்து கொண்டிருக்கின்றன. தமிழ்நாட்டில் திமுக முன்னிலை வகிக்கிறது. பாஜகவுடன் கூட்டணிவைத்த அதிமுக கடும் பின்னடவை கண்டுள்ளது.

இந்நிலையில் தமிழ்நாட்டில் இடைத்தோ்தல் முடிவுகளும் வெளிவந்த வண்ணம் இருக்கிறது. இதில் அதிமுகவும் திமுகவும் ஒரே நிலையில் இருப்பதால் அதிமுக தொண்டர்கள் சற்று மகிழ்ச்சியில் உள்ளனர்.

இதனையடுத்து சென்னை ராயப்பேட்டையில் உள்ள அதிமுக கட்சி அலுவலகம் முன்பு தொண்டர்கள் பட்டாசுகளை வெடித்து தங்களது மகிழ்ச்சியினை வெளிப்படுத்திவருகின்றனர்.