தமிழ்நாடு சட்டப்பேரவைத் தேர்தல் வாக்கு எண்ணிக்கையில் அதிகமான தொகுதிகளில் திமுக முன்னிலையில் உள்ளது.
இந்நிலையில் பல்வேறு பிரபலங்கள் மு.க. ஸ்டாலினுக்கு வாழ்த்துகளைத் தெரிவித்துவருகின்றனர்.
அந்தவகையில் நடிகர் ரஜினிகாந்த் தொலைபேசியில் மு.க. ஸ்டாலினுக்கு வாழ்த்துகளைத் தெரிவித்துள்ளார்.
மேலும் ரஜினி காந்த் வெளியிட்டுள்ள அறிக்கையில், "தமிழ்நாடு சட்டப்பேரவைத் தேர்தலின் கடும் போட்டியில், திறம்பட அயராது உழைத்து, வெற்றி அடைந்து இருக்கும் என்னுடைய அன்பு நண்பர் மதிப்பிற்குரிய மு.க.ஸ்டாலின் நீண்ட ஆயுளுடனும், ஆரோக்கியத்துடனும் இருந்து அனைத்து தரப்பு மக்களும் திருப்தி அடையும் வகையில் ஆட்சி செய்து, தமிழ்நாட்டை வளமான மாநிலமாக மாற்றி பெரும் பேரும் புகழும் பெற வேண்டும் என்று மனமார வாழ்த்துகிறேன்" எனக் கூறியுள்ளார்.
இதையும் படிங்க: 'முறைசெய்து காப்பாற்றும் மன்னவன்' - ஸ்டாலின், மம்தாவிற்கு பழனி பாரதி வாழ்த்து
