சென்னை: நடிகர் கமல்ஹாசன் நடிப்பில் கடைசியாக விக்ரம் திரைப்படம் வெளியானது. இப்படத்தை லோகேஷ் கனகராஜ் இயக்கியிருந்தார். மேலும் இதில் விஜய் சேதுபதி, ஃபகத் பாசில் உள்ளிட்டோர் நடித்திருந்தனர். மேலும் இந்த படத்திற்கு வலு சேர்க்கும் வகையில் அனிருத் இசை அமைத்திருந்தார். விக்ரம் படம் வெளியாகி ரசிகர்கள் மத்தியில் மிகப் பெரிய வெற்றியை பெற்றது. கமலின் திரை வாழ்வில் அதிகபட்ச வசூலை குவித்த படம் என்ற பெருமையை விக்ரம் படம் பெற்றது. ’
இதனைத் தொடர்ந்து கமல்ஹாசன் மணிரத்னம் படத்தில் நடிக்க உள்ளதாக அறிவிப்பு வெளியானது. மணிரத்னம் இயக்கத்தில் கடைசியாக பொன்னியின் செல்வன் படத்தின் இரண்டாம் பாகம் வெளியானது. இப்படம் ரசிகர்களிடத்தில் வெவ்வேறு கோணங்களில் விமர்சனங்களைப் பெற்றது. விக்ரம் படம் கொடுத்த வெற்றியினால், கமல்ஹாசன் தனது ராஜ்கமல் பிலிம்ஸ் இன்டர்நேஷனல் நிறுவனம் மூலம் அடுத்தடுத்து படங்களை தயாரிக்கும் வாய்ப்புகளை பெற்று தயாரித்து வருகிறார். தேசிங்கு பெரியசாமி இயக்கத்தில் சிவகார்த்திகேயன் நடிக்கும் படத்தையும் ராஜ்கமல் பிலிம்ஸ் இன்டர்நேஷனல் நிறுவனமே தயாரித்து வருகிறது.
மேலும் மணிரத்னம் படத்தையும் ராஜ்கமல் நிறுவனமே தயாரிக்கிறது. இது மட்டுமின்ற சிம்பு நடிக்கும் ஒரு படத்தையும் இந்நிறுவனமே தயாரிக்க உள்ளது. இந்த நிலையில் துணிவு படத்தை இயக்கிய எச்.வினோத் இயக்கத்தில், கமல்ஹாசன் அடுத்து நடிக்க உள்ளதாக தகவல்கள் வெளியானது. தற்போது எச்.வினோத் இப்படத்துக்கான முதற்கட்ட பணிகளில் ஈடுபட்டு வருகிறார். இந்த நிலையில் இதன் அதிகாரப்பூர்வ அறிவிப்பு இன்று வெளியிடப்பட்டுள்ளது. கமல்ஹாசன் நடிக்கும் 233வது படத்தை எச்.வினோத் இயக்குகிறார் என்று அறிவிப்பு வெளியாகியுள்ளது.
இந்தப்படம் ராஜ்கமல் பிலிம்ஸ் இன்டர்நேஷனல் நிறுவனத்தின் 52வது படமாகும். ரைஸ் டூ ரூல் என்று இதற்கு பெயரிடப்பட்டுள்ளது குறிப்பிடத்தக்கது. எச்.வினோத் இயக்கிய சதுரங்க வேட்டை, தீரன் அதிகாரம் ஒன்று, நேர்கொண்ட பார்வை , வலிமை, துணிவு படங்களை தொடர்ந்து தற்போது நடிகர் கமல்ஹாசனுடன் இணைந்துள்ளார். இப்படம் எந்த மாதிரியான கதைக்களம் என்பது தெரியாத புதிராகவே உள்ளது. இப்படத்தின் படப்பிடிப்பு ஆகஸ்ட் அல்லது செப்டம்பர் மாதம் தொடங்க உள்ளதாக தெரிவிக்கப்பட்டுள்ளது.
-
And it begins…#RKFI52 #KH233
— Kamal Haasan (@ikamalhaasan) July 4, 2023 " class="align-text-top noRightClick twitterSection" data="
#RISEtoRULE #HVinoth #Mahendran @RKFI @turmericmediaTM @magizhmandram pic.twitter.com/7cej87cghE
">And it begins…#RKFI52 #KH233
— Kamal Haasan (@ikamalhaasan) July 4, 2023
#RISEtoRULE #HVinoth #Mahendran @RKFI @turmericmediaTM @magizhmandram pic.twitter.com/7cej87cghEAnd it begins…#RKFI52 #KH233
— Kamal Haasan (@ikamalhaasan) July 4, 2023
#RISEtoRULE #HVinoth #Mahendran @RKFI @turmericmediaTM @magizhmandram pic.twitter.com/7cej87cghE
இந்த அறிவிப்பு வெளியானது முதல் ரசிகர்கள் மத்தியில் உற்சாகத்தை ஏற்படுத்தியுள்ளது. இந்த அதிகார பூர்வ அறிவிப்பினை சமூக வலைத்தளங்களில் ரசிகர்கள் ட்ரெண்ட் செய்து வருகின்றனர். கமல்ஹாசன் - எச்.வினோத் புதிய கூட்டணி என்பதால் படத்தின் மீது தற்போது இருந்தே எதிர்பார்ப்பு அதிகரித்துள்ளது. மேலும் நடிகர் கமல்ஹாசன் தற்போது ஷங்கர் இயக்கத்தில் இந்தியன் 2 படத்தில் நடித்து வருகிறார். இப்படம் இந்த ஆண்டு இறுதிக்குள் வெளியாகும் என்று எதிர்பார்க்கப்படுகிறது.
இதையும் படிங்க: Jigarthanda DoubleX: ஜிகர்தண்டா-2 படப்பிடிப்பு நிறைவு.. ரிலீஸ் எப்போது?
