மருந்தாளுநர், பிசியோதெரபி, நர்சிங் உள்பட 17 வகையான துணை மருத்துவப் படிப்புகளில் சேர மாணவர்கள் இன்று (அக். 1) முதல் வரும் 15ஆம் தேதிவரை http://tnmedicalselecction.org என்ற இணையதளத்தில் ஆன்லைனில் விண்ணப்பிக்கலாம் என மருத்துவக் கல்வி மாணவர் சேர்க்கை செயலாளர் செல்வராஜன் அறிவித்துள்ளார்.
வழக்கமாக எம்பிபிஎஸ், பிடிஎஸ் மாணவர் சேர்க்கை நடந்த பிறகு இறுதியாக துணை மருத்துவப் படிப்பு சேர்க்கைக்கான கலந்தாய்வு நடைபெறும். ஆனால் இந்த ஆண்டு நீட் தேர்வு தாமதமாக நடந்த காரணத்தாலும், இன்னும் முடிவுகள் வெளியாகாத நிலையில் இருப்பதாலும் , துணை மருத்துவப் படிப்பு சேர்க்கைக்கான கலந்தாய்வு முன்னதாகவே தொடங்குகிறது.
இதையொட்டி 12ஆம்வகுப்பு தேர்வு மதிப்பெண்கள் அடிப்படையில் நடைபெறக்கூடிய துணை மருத்துவப் படிப்புகளுக்கான மாணவர் சேர்க்கைக்கு இன்று (அக். 1) முதல் வரும் 15ஆம் தேதிவரை ஆன்லைன் வழியில் மாணவர்கள் விண்ணப்பிக்கலாம் என்று அறிவிக்கப்பட்டுள்ளது.
அரசு ஒதுக்கீட்டின் கீழ் 16,000 இடங்கள் இருக்கக்கூடிய நிலையில், 30 ஆயிரத்திற்கும் அதிகமான மாணவர்கள் ஒவ்வொரு ஆண்டும் விண்ணப்பம் செய்கிறார்கள். இந்த ஆண்டும் இதே எண்ணிக்கையில் மாணவர்கள் விண்ணப்பிக்கலாம் என எதிர்பார்க்கப்படுகிறது.
இதையும் படிங்க...பொறியியல் படிப்பில் சேர சிறப்புப் பிரிவினருக்கான கலந்தாய்வு தொடக்கம்
