தமிழ்நாடு மின்சார வாரியம், தமிழ்நாட்டில் புதிதாக அமைக்கப்படும் துணை மின் நிலையங்களை பராமரிப்பதற்குத் தனியாருக்குத் தொடர்ந்து அனுமதி வழங்கி வருகிறது. இதற்கு பல்வேறு தரப்பிலும் எதிர்ப்பு கிளம்பி வருகிறது.
அண்மையில் நிவர் புயல் பாதுகாப்பு நடவடிக்கைகள் குறித்து செய்தியாளர்களைச் சந்தித்த மின்சாரத்துறை அமைச்சர் தங்கமணி, தமிழ்நாடு மின்சார வாரியத்தில் பணியாளர்கள் பற்றாக்குறை நிலவுகிறது.
அதனை சரிசெய்த பின்னர், தனியாருக்கு ஒப்படைக்கப்படும் துணை மின் நிலையங்கள் மீண்டும் மின்சார வாரியத்தால் பெறப்பட்டு பராமரிக்கப்படும் என தெரிவித்தார்.
இந்த நிலையில், தமிழ்நாடு மின் தொடரமைப்பு கழகத்தின் தலைமைப் பொறியாளர் கண்ணன் (இயக்குதல், பராமரித்தல்) வெளியிட்டுள்ள உத்தரவில்,"தமிழ்நாடு மின் தொடரமைப்பு கழகம், புளியந்தோப்பில் அமைக்கப்பட்ட புதிய 400/230 கே.வி துணை மின் நிலையத்தை இரண்டு ஆண்டுகளுக்கு, தினமும் மின் தடையின்றி பராமரிப்பதற்காக, தனியாருக்கு ரூ.202 கோடியே 39 லட்சம் நிதி ஒதுக்கீடு செய்து அனுமதி வழங்கப்படுகிறது.
