தமிழ்நாடு மின் உற்பத்தி மற்றும் பகிர்மான கழகம் வெளியிட்டுள்ள செய்திக் குறிப்பில், "சென்னை அமலாக்க கோட்டத்தின் மத்திய சென்னை, சென்னை வடக்கு, சென்னை தெற்கு, செங்கல்பட்டு, காஞ்சிபுரம் ஆகிய மீன் கோட்டங்களில் அமலாக்க அலுவலர்கள் ஆய்வு மேற்கொண்டனர்.
செங்கல்பட்டு மின் பகிர்மான வட்டத்திற்குட்பட்ட மறைமலைநகர் பகுதியில் ஆய்வு மேற்கொண்டபோது 9 மின் திருட்டுகள் கண்டுபிடிக்கப்பட்டது. இதனால் 10 லட்சத்து ஆயிரத்து 366 ரூபாய் மின்வாரியத்திற்கு இழப்பீடு ஏற்பட்டுள்ளதை கண்டுபிடித்தனர். இந்த இழப்பீட்டுத் தொகை மின் நுகர்வோருக்கு விதிக்கப்பட்டது.
மேலும் சம்பந்தப்பட்ட மின் நுகர்வோர்கள் குற்றத்தை ஒப்புக்கொண்டு குற்றவியல் நடவடிக்கை தவிர்க்க முன்வந்து அதற்குரிய சமரச தொகையாக 80 ஆயிரத்து 500 ரூபாய் செலுத்தியதால் அவர்கள் மீது காவல் நிலையத்தில் புகார் எதுவும் பதிவு செய்யப்படவில்லை.
மின் திருட்டு சம்பந்தமான தகவல்களை செல்போன் எண் 94458 57591 தொடர்பு கொண்டு தெரிவிக்கலாம்” என அதில் கூறப்பட்டுள்ளது.
இதையும் படிங்க: புத்தாண்டுப் பரிசாக லஞ்சம் பெற்ற இணை ஆணையர் : அதிரடி காட்டிய லஞ்ச ஒழிப்புத் துறையினர்!
