புதிய பாடத்திட்டத்தின் அடிப்படையில் இந்தாண்டு 2, 3, 4, 5, 7, 8,10,12 ஆகிய வகுப்புகளுக்குப் பாடத்திட்டம் மாற்றி அமைக்கப்பட்டுள்ளது. புதிய பாடத்திட்டத்திற்கு ஏற்ப 10, 12ஆம் வகுப்பு பாடத்தினை நடத்தும் ஆசிரியர்கள் மாணவர்களுக்குப் பாடங்களைக் கற்பிக்கும் வகையில் அனைத்து பாடங்களுக்குமான பயிற்சி 1,440 முதன்மை ஆசிரியர்களுக்கு வழங்கப்படவுள்ளது.
இந்த பயிற்சியில் மாவட்டத்திற்கு தலா மூன்று ஆசிரியர்கள் பங்கேற்கின்றனர். அவர்கள் மாவட்டங்களில் உள்ள ஆசிரியர்களுக்குப் பின்னர் பயிற்சியளிக்க உள்ளனர். இந்த மாதம் 11ஆம் தேதி முதல் 14ஆம் தேதி வரை பாடவாரியாக மாநில கல்வியியல் மற்றும் ஆராய்ச்சி நிறுவனம் சார்பில் சென்னை, கோவை, நாமக்கல், கிருஷ்ணகிரி, ஈரோடு, அரியலூர் ஆகிய இடங்களில் குழுக்களாகப் பிரிக்கப்பட்டு பயிற்சி வழங்கப்பட உள்ளது. இதைத் தொடர்ந்து மாவட்ட அளவில் ஆசிரியர்களுக்குப் பயிற்சி அளிக்கப்பட உள்ளது.
