4:23
- பேரவை முடிவடைந்தது.
4:00
- 2.34 கோடியில் பெரிய நாயக்கன் பாளையம் மற்றும் தொண்டாமுத்தூர் பகுதியில் ஒரூர்தி தீயணைப்பு மற்றும் மீட்பு பணி நிலையம் அமைக்கப்படும் என அறிவிக்கப்பட்டுள்ளது.
3:51
- ரூ.1.26 கோடி செலவில் சேலத்தின் மின் ரோந்து நடைமுறை அனைத்து பகுதிகளிலும் உள்ள காவல் ஆணையரகத்தில் செயல்படுத்தப்படும்.
3:49
- ரூ.25 லட்சம் செலவில் காவல் வாகன மேலாண்மை மற்றும் சொத்து மேலாண்மை ஆகிய பகுதிகளில் தானியக்கமாக அமல்படுத்தப்படும் என தெரிவிக்கப்பட்டுள்ளது.
3:47
- காவல் நிலையம் மற்றும் சிறப்பு பிரிவுகளில் களப்பணியில் ஈடுபட்டுள்ள 72 ஆயிரம் காவல்துறையினருக்கு மாதம் 5 லிட்டர் பெட்ரோலுக்கு உண்டான செலவு, எரிபொருள் படியாக வழங்கப்படும். இதற்காக ரூ.30 கோடி ஒதுக்கப்படும் என அறிவிக்கப்பட்டுள்ளது.
3:47
- ரூ.91.74 லட்சம் செலவில் திருப்பூர் மாவட்டத்தில் சைபர் கிரைம் பிரிவு ஒன்று ஏற்படுத்தப்படும் என அறிவிப்பு வெளியாகியுள்ளது.
3:44
- தீயணைப்பின் போது வீரமரணம் அடைந்த தீயணைப்பு வீரர்களுக்கு வழங்கப்படும் இழப்பீடு ரூ.5 லட்சத்திலிருந்து ரூ.10 லட்சமாக உயர்த்தப்பட்டு வருகிறது எனத் தெரிவிக்கப்பட்டுள்ளது.
3:43
- ரூ. 1 கோடி செலவில் தீ விபத்து மற்றும் மீட்பு பணிகளை வானிலிருந்து கண்காணிக்க 50 ஆளில்லா விமானங்கள் வாங்கப்படும் என அறிவிப்பு
3:34
- காவல் துறையினருக்கு பணிச்சுமையால் ஏற்படும் மன அழுத்தத்தை கருத்தில் கொண்டு உளவியல் ரீதியான சிகிச்சை அளிக்கப்பட்டு வருகிறது. நாட்டிலேயே முதல் முறையாக தமிழகத்தில் தான் இது தொடங்கப்பட்டுள்ளது - முதல்வர்
3:17
- ஆட்சிக்கு வர மறைமுகமாக எப்படி திட்டம் போட்டீர்கள் என அனைவருக்கும் தெரியும் என திமுக மீது முதலமைச்சர் எடப்பாடி பழனிசாமி கடும் விமர்சனம்
2:55
- குட்கா வழக்கை லஞ்ச ஒழிப்புத் துறை சரியாக விசாரிக்கவில்லை என்று நீதிபதி தான் சிபிஐ-க்கு மாற்றினார்: முதலமைச்சர்
2:25
- புதிதாக அறிவிக்கப்பட்டுள்ள கள்ளக்குறிச்சி மாவட்டத்தை நிர்வகிக்க தனி அலுவலர் நியமிக்கப்படுவார் - முதலமைச்சர் தகவல்
1:42
- செயின் பறிப்பு சம்பவங்களைத் தடுக்க 2 லட்சம் கேமராக்கள் சென்னையில் பொருத்தப்படும் என முதலமைச்சர் தகவல்
1:36
- ஐஎஸ் அமைப்புக்கு ஆதரவாக செயல்படுவோரின் நடவடிக்கைகள் கூர்ந்து கவனிக்கப்பட்டு வருவதாகவும், அவ்வாறு செயல்பட்ட 36 இளைஞர்களை நல்வழிபடுத்தும் முறைகள் நடைபெற்று வருவதாகவும் மதுவிலக்கு மற்றும் ஆயத்தீர்வைத் துறை மானிய கோரிக்கை கொள்கை விளக்க குறிப்பில் தெரிவிக்கப்பட்டுள்ளது.
1:25
- அவை மரபை மீறும் வகையில் நடந்துகொண்ட திமுக உறுப்பினர் செந்தில்பாலாஜிக்கு சபாநாயகர் தனபால் கண்டனம்
1:00
- தொகுதியில் நடைபெறும் அரசு விழாக்களுக்கு திமுக உறுப்பினர்களுக்கு அழைப்பு விடுப்பது இல்லை என பேரவையில் திமுக - அதிமுக இடையே கடும் வாக்குவாதம்.
12:40
- ஐ.பெரியசாமி: ராமஜெயம் கொலை, பொள்ளாச்சி சம்பவம் ஆகிய விவகாரங்களில் மாநில அரசின் ஒத்துழைப்பு இல்லை. கொடநாடு விவகாரத்தில் ஒரு நிருபர் தன்னை கைதுசெய்து பாருங்கள் என்று சவால் விடுகிறார்.
- முதலமைச்சர்: அவருக்கு ஜாமீன் போட்டு வெளியே விடுவித்தது நீங்கள் தான், உங்கள் ஆட்கள் தான்.
12:30
- திமுக எம்எல்ஏ ஐ.பெரியசாமி: சிலை கடத்தல் வழக்கை கையாளும் பொன் மாணிக்கவேலுக்கு அரசு முறையாக ஒத்துழைப்பு வழங்கவில்லை. அரசுக்கு எதிராக அவர் நீதிமன்றம் சென்றதால் அவர் மீது ஈகோ.
- முதலமைச்சர் பழனிசாமி: சிலை கடத்தல் தடுப்பு பிரிவில் 2012-15இல் பணியாற்றியவர் பொன் மாணிக்கவேல். அதன்பின் சிலை கடத்தல் வழக்கின் சிறப்பு அதிகாரியாக 2016இல் நியமிக்கப்பட்டார். அவருக்கு தேவையான உதவிகளை அரசு செய்துள்ளது.
12:16
- மதுவுக்கு எதிராகப் போராடிய சட்ட மாணவி நந்தினியின் திருமணம் நிற்கும் படி போலீசார் கைது நடவடிக்கை மேற்கொண்டார்கள் - திமுக எம்எல்ஏ ஐ.பெரியசாமி
- நீதிமன்ற அவமதிப்பால் தான் அந்த நடவடிக்கை எடுக்கப்பட்டது - சி.வி.சண்முகம் விளக்கம்
12:09
- காவல்துறையினருக்கு சொந்த வீடு வழங்கும் திட்டத்தின் கீழ் 10 மாவட்டங்களில் வீடு கட்டும் திட்டம் தொடங்கப்படும் - முதலமைச்சர்
11:50
- காவல் துறை மீதான மானிய கோரிக்கை தொடங்கி முதலமைச்சர் பேசி வருகிறார்.
11:45
- ஆவடியை மாநகராட்சியாக மாற்றும் சட்ட மசோதாவை உள்ளாட்சித் துறை அமைச்சர் எஸ்.பி. வேலுமணி தாக்கல் செய்தார் - அது நிறைவேற்றப்பட்டது.
11:38
- விவசாயிகளின் நலனைக் கருத்தில் கொண்டு நேரடி நெல் கொள்முதல் நிலையங்கள் அமைக்கப்படும் என உணவுத்துறை அமைச்சர் காமராஜ் கூறியுள்ளார்.
11:35
- எச்ஐவி பாதிக்கப்பட்டு உயிரிழந்த குடும்பத்தில் உள்ள அனாதை குழந்தைகளை அரசு தத்தெடுத்து வருவதாக சமூக நலத்துறை அமைச்சர் சரோஜா தகவல்
11:30
- டெங்கு காய்ச்சலால் இந்த வருடம் ஒரு உயிரிழப்பு கூட இல்லை: சுகாதாரத்துறை அமைச்சர் விஜயபாஸ்கர் தகவல்
11:29
- நீட் தேர்வு இல்லாததால் கால்நடை மருத்துவத்துறை தேர்ந்தெடுக்கும் மாணவர்களின் எண்ணிக்கை அதிகமாக இருப்பதால் அதற்கான இடங்களை அதிகரிக்க வேண்டும் என்று திமுக எம்எல்ஏ பிச்சாண்டி கோரிக்கை
11:20
- இந்தத் தேர்வு தொடர்பான மசோதா வரும்போதே அதிமுக கடுமையாக எதிர்த்தது.
- தேசிய எக்சிட் தேர்வை தமிழக அரசு கடுமையாக எதிர்க்கும் - அமைச்சர் விஜயபாஸ்கர்
11:14
- வினா விடை நேரம் முடிந்தது
- பூஜ்ய நேரத்தில் புதிதாக வரவுள்ள நெக்ஸ்ட் தேர்வு குறித்து எதிர்க்கட்சித் தலைவர் ஸ்டாலின் பேசி வருகிறார்
- இந்தத் தேர்வு கூட்டாட்சி தத்துவத்தை பாதிக்கிறது. எனவே இத்தேர்வை தமிழக அரசு கடுமையாக எதிர்க்க வேண்டும் - ஸ்டாலின் கோரிக்கை
10:30
- இன்றைய கேள்வி நேரத்தில் அமைச்சர்கள் தங்கமணி, எஸ்.பி.வேலுமணி, அன்பழகன், சரோஜா, காமராஜ், உடுமலை ராதாகிருஷ்ணன், சுகாதரத்துறை அமைச்சர் விஜயபாஸ்கர், துரைக்கண்ணு, ஆர்.பி.உதயகுமார், எம்.ஆர் விஜயபாஸ்கர் உள்ளிட்டோர் பதில் அளிக்கின்றனர்.
- தமிழகத்தில் நிலவி வரும் முக்கிய பிரச்னைகள் குறித்து சிறப்பு கவன ஈர்ப்பு தீர்மானங்களை எதிர்க்கட்சியினர் கொண்டு வர இருக்கின்றனர்.
- காவல், தீயணைப்பு, மீட்புப் பணிகள் மீதான மானிய கோரிக்கை விவாதம் இன்று நடைபெறுகிறது.
10:00
தமிழ்நாடு சட்டப்பேரவையை சபாநாயகர் தனபால் திருக்குறள் வாசித்து தொடங்கி வைத்தார்.
