மகளிருக்கான துபாய் ஓபன் டென்னிஸ் தொடர் ஐக்கிய அரபு அமீரகத்தில் நடைபெற்றுவருகிறது. நேற்று நடைபெற்ற இரண்டாம் சுற்று ஆட்டத்தில் அமெரிக்காவின் இளம் வீராங்கனை கோகோ கஃப், சிலி நாட்டின் மார்கெட்டா வொண்ட்ரூசோவாவை எதிர்கொண்டார்.
இப்போட்டியின் முதல் செட்டை 6-3 என்ற கணக்கில் மார்கெட்டா கைப்பற்ற, அதன்பின் சுதாரித்துக்கொண்டு விளையாடிய கோகோ கஃப் இரண்டாவது செட்டை 6-0 என்ற கணக்கில் கைப்பற்றி அசத்தினார்.
அதன்பின் போட்டியின் வெற்றியாளரைத் தீர்மானிக்கும் மூன்றாவது செட்டியிலும் அதிரடியாக விளையாடிய கஃப் 6-4 என்ற கணக்கில் அந்த செட்டை கைப்பற்றி மார்கெட்டாவிற்கு அதிர்ச்சியளித்தார்.
இதன்மூலம் கோகோ கஃப் 3-6, 6-0, 6-4 என்ற செட் கணக்கில் மார்கெட்டா வொண்ட்ரூசோவாவை வீழ்த்தி துபாய் ஓபன் மூன்றாம் சுற்றுக்கு முன்னேறினார்.
மற்றொரு இரண்டாம் சுற்று போட்டியில் உலகின் மூன்றாம் நிலை வீராங்கனையான எலினா ஸ்விட்டோலினா 6-2, 4-6, 1-6 என்ற செட் கணக்கில் ரஷ்யாவின் ஸ்வெட்லானா குஸ்நெட்சோவாவிடம் அதிர்ச்சி தோல்வியடைந்து தொடரிலிருந்து வெளியேறினார்.
இதையும் படிங்க: இங்கிலாந்து டி20 தொடரிலிருந்து வருண் சக்ரவர்த்தி நீக்கம்?
