மாண்டே கார்லோ மாஸ்டர்ஸ் டென்னிஸ் தொடர் பிரான்சில் நடைபெற்று வருகிறது. இதன் மூன்றாவது சுற்றில் நட்சத்திர ஸ்பெயின் வீரர் நடாலை எதிர்த்து பல்கேரியாவின் டிமிட்ரோவ் விளையாடினார்.
முதல் சுற்றின் தொடக்கத்தில் அதிரடியான ஆட்டத்தை வெளிப்படுத்திய நடாலுக்கு டிமிட்ரோவ் சிறிது நேரம் தாக்குபிடித்தார். தொடர்ந்து சிறப்பாக ஆடிய நடால், முதல் செட்டை 6-4 எனக் கைப்பற்றினார். பின்னர் நடைபெற்ற இரண்டாவது செட் ஆட்டத்தில் நடாலின் அதிரடிக்கு தாக்குபிடிக்க முடியாத டிமிட்ரோவ் 6-1 என தோல்வியடைந்தார். இந்த ஆட்டத்தில் வெற்றி பெற்றதையடுத்து ஸ்பெயின் வீரர் நடால் காலிறுதி சுற்றுக்கு முன்னேறினார்.
மற்றொரு ஆட்டத்தில் செர்பிய நட்சத்திர வீரர் ஜோகோவிச்-ஐ எதிர்த்து அமெரிக்காவின் டெய்லர் ப்ரிட்ஸ் மோதினார். இந்த ஆட்டத்தில் தொடக்கத்திலிருந்தே ஆதிக்கம் செலுத்திய ஜோகோவிச் முதல் செட்டை 6-3 என்றும், இரண்டாவது செட்டை 6-0 எனக் கைப்பற்றி காலிறுதிக்கு முன்னேறினார்.
காலிறுதியில் ஸ்பெயின் வீரர் நடால் அர்ஜெண்டினாலின் பெல்லாவையும், செர்பிய வீரர் ஜோகோவிச் ரஷ்யாவின் மெத்வேதவ்வையும் எதிர்கொள்ளவுள்ளனர்.
