டென்னிஸ் விளையாட்டின் மிகப் பிரபலமான உள்ளரங்குத் தொடரான வியன்னா ஓபன் டென்னிஸ் தொடர் ஆஸ்திரியா தலைநகர் வியன்னாவில் நடைபெற்றுவருகிறது.
இத்தொடரில் நேற்று நடைபெற்ற இரண்டாம் சுற்று ஆட்டத்தில் உலகின் நம்பர் ஒன் வீரரான செர்பியாவின் நோவாக் ஜோகோவிச், குரோசியாவின் போர்னா கோரிக்-கை எதிர்கொண்டார்.
விறுவிறுப்பான இப்போட்டியில் தொடக்கம் முதலே சிறப்பாக விளையாடி வந்த ஜோகோவிச், முதல் செட்டை 7-6 என்ற கணக்கில் கைப்பற்றி போர்னாவிற்கு அதிர்ச்சியளித்தார்.
தொடர்ந்து நடைபெற்ற இரண்டாவது செட் ஆட்டத்தில் அபாரமாக விளையாடிய ஜோகோவிச், 6-3 என்ற கணக்கில் இரண்டாவது செட்டையும் கைப்பற்றி அசத்தினார்.
இதன் மூலம் வியன்னா ஓபன் இரண்டாது சுற்று ஆட்டத்தில் நோவாக் ஜோகோவிச் 7-6, 6-3 என்ற நேர் செட் கணக்கில் போர்னா கோரிக்-கை வீழ்த்தி அடுத்த சுற்றுக்கு முன்னேறியுள்ளார்.
இதையும் படிங்க:அஸ்தானா ஓபன்: காலிறுதி சுற்றுக்கு முன்னேறிய திவிஜ் ஷரண் இணை!
