2020ஆம் ஆண்டுக்கான ஒலிம்பிக் போட்டிகள் அடுத்த ஆண்டு நடைபெறவுள்ள நிலையில் பல்வேறு போட்டிகளுக்கும் தகுதிச்சுற்றுகள் நடைபெற்று வருகின்றன. இதில் பெண்களுக்கான வாலிபால் தகுதிச் சுற்று போட்டிகள் ரஷ்யாவின் கலினின்கிராட் (kaliningrad) பகுதியில் நடைபெற்றது. 24 அணிகள் பங்கேற்றுள்ள தகுதிப் போட்டிகளில் குரூப் ஈ பிரிவில் ரஷ்யா, மெக்சிகோ, தென் கொரியா, கனடா ஆகிய அணிகள் பிரிக்கப்பட்டுள்ளன.
மெக்சிகோவை வீழ்த்திய ரஷ்யா
இந்நிலையில், நேற்று நடைபெற்ற தகுதிச்சுற்று போட்டியில் ரஷ்யாவை எதிர்த்து மெக்சிகோ அணி விளையாடியது. இந்த ஆட்டத்தில் 25-13 என ரஷ்ய அணி முதல் செட்டைக் கைப்பற்ற, இரண்டாவது செட்டையும் 25-8 என ரஷ்ய அணி வென்றது. தொடர்ந்து நடைபெற்ற பரபரப்பான மூன்றாவது செட் ஆட்டத்தை 26-24 என ரஷ்ய அணி கைப்பற்றியதையடுத்து, 3-0 என்ற கணக்கில் மெக்சிகோவை ரஷ்ய அணி வீழ்த்தியது.
