தோகா (கத்தார்): உலகக்கோப்பை கால்பந்து போட்டியில் நேற்றிரவு (நவ. 28) தோகாவில் உள்ள 974 ஸ்டேடியத்தில் நடந்த 'ஜி' பிரிவு லீக் ஆட்டத்தில் 'நம்பர் ஒன்' அணியும், 5 முறை சாம்பியனுமான பிரேசில் அணி, சுவிட்சர்லாந்தை எதிர்கொண்டது.
பிரேசில் வீரர்கள் தொடக்கம் முதலே அதிவேக ஆட்டத்தை வெளிப்படுத்தினர். சுவிட்சர்லாந்து வீரர்கள் கோல் அடிப்பதை காட்டிலும் எதிரணியின் வாய்ப்பை முறியடிப்பதிலேயே கூடுதல் கவனம் செலுத்தினர். இதனால் பிரேசில் வீரர்களால் அவ்வளவு எளிதில் சுவிட்சர்லாந்தின் தற்காப்பு அரணை தகர்க்க முடியவில்லை. முதல் பாதி ஆட்டம் கோலின்றி முடிந்தது.
66 ஆவது நிமிடத்தில் வினிசியல் ஜூனியர் கோல் போட்டார். அது 'ஆப்சைடு' என்று மறுக்கப்பட்டது. 83 ஆவது நிமிடத்தில் பிரேசில் வீரர் கேஸ்மிரோ கோல் போட்டார். சுவிட்சர்லாந்து வீரர்களால் கடைசி வரை இலக்கை நோக்கி ஒரு ஷாட் கூட அடிக்க முடியவில்லை. போட்டி முடிவில் சுவிட்சர்லாந்து அணியை 1-0 என்ற கோல் கணக்கில் வீழ்த்தி பிரேசில் அணி சூப்பர் 16 சுற்றுக்கு தகுதி பெற்றுள்ளது.
இதையும் படிங்க: துபாயில் குத்தாட்டம் போட்ட டோனி - வைரல் வீடியோ!
