இந்திய மகளிர் ஹாக்கி அணி கேப்டன் ராணி ராம்பால் முதன்முதலாக 2008ஆம் ஆண்டு முதல் சர்வதேச ஹாக்கி போட்டிகளில் விளையாடிவருகிறார். 2009ஆம் ஆண்டு ஆசியக் கோப்பையில் இந்திய மகளிர் அணி வெள்ளிப்பதக்கம் வெல்வதற்கு முக்கியக் காரணமாகத் திகழ்ந்தவர்.
இது குறித்து அவர் பேசுகையில், ''இந்த விருதுக்கு நான் தேர்வுசெய்யப்பட்டுள்ளது பெருமையாக உள்ளது. நியூசிலாந்து தொடருக்காக ஆக்லாந்தில் பயிற்சி செய்துகொண்டிருக்கிறோம். இந்தச் செய்தியைக் கேட்டு நண்பர்கள், உறவினர்கள், ரசிகர்கள் அனைவரும் வாழ்த்துகளைத் தெரிவித்துவருகின்றனர்.
எனக்கு அறிவிக்கப்பட்டுள்ள இந்த விருதினை மகளிர் ஹாக்கி அணிக்கு கிடைத்த அங்கீகாரமாகக் கருதுகிறேன். இன்னும் பல சாதனைகளை மகளிர் ஹாக்கி அணி படைக்கும் என நம்புகிறேன்'' எனப் பேசினார்.
இதையும் படிங்க: நியூசி. ஹாக்கி தொடருக்கு ராணி ராம்பால் கேப்டனாக நியமனம்
