இங்கிலாந்தில் கிளப் அணிகளுக்கு இடையே நடத்தப்படும் பிரீமியர் லீக் கால்பந்து தொடர் தற்போது நடைபெற்றுவருகிறது. மொத்தம் 20 அணிகள் பங்கேற்றுள்ள இந்தத் தொடரில் லிவர்பூல் அணி, முதல் இடத்தில் உள்ளது. இதனிடையே நேற்று நடைபெற்ற லீக் போட்டியில் மான்செஸ்டர் யுனைடெட் அணி, மற்றொரு உள்ளூர் கிளப் அணியும் நடப்பு சாம்யினுமான மான்செஸ்டர் சிட்டி அணியுடன் மோதியது.
மிகுந்த எதிர்பார்ப்புடன் தொடங்கிய இப்போட்டியில் முதல் நிமிடத்தில் இருந்தே இரு அணி வீரர்களும் கோல் அடிப்பதில் தீவிரம் காட்டினர். இருப்பினும் அவற்றை இரண்டு கோல் கீப்பர்களும் தடுத்து நிறுத்தினர். பின்னர் மான்யு வீரர் மார்க்கஸ் ராஷ்போர்டு 23ஆவது நிமிடத்தில் பெனால்டி முறையில் கோல் அடித்தார். இதைத் தொடர்ந்து மீண்டும் அதே அணியின் ஆண்டனி மார்ஷியல் 29ஆவது நிமிடத்தில் கோல் அடிக்க அந்த அணி வேகமாக 2-0 என முன்னிலை பெற்றது.
அதன்பின் கோல் அடிக்க முயன்ற சிட்டி அணி வீரர்களின் முயற்சிகள் தோல்வியடைந்தன. இரண்டாவது பாதி ஆட்டத்தின் 85ஆவது நிமிடத்தில் சிட்டி வீரர் நிக்கோலஸ் ஒரு கோல் அடித்தார். இறுதியில் மான்செஸ்டர் யுனைடெட் அணி 2-1 என்ற கோல் கணக்கில் சிட்டி அணியை வீழ்த்தி ஐந்தாவது இடத்துக்கு முன்னேறியது. இந்த தோல்வியால் மான்செஸ்டர் சிட்டி அணி மூன்றாவது இடத்துக்கு தள்ளப்பட்டது.
நடப்பு சீசனில் புள்ளிப்பட்டியலில் லிவர்பூல் அணி முதலிடத்திலும், லெய்செஸ்டர்டர் சிட்டி அணி இரண்டாவது இடத்திலும் உள்ளன.
