இத்தாலியின் பிரபல கால்பந்து தொடரான சீரி ஏ தற்போது இறுதிக்கட்டத்தை நெருங்கியுள்ளது. இதில் இன்று (பிப்.01) நடைபெற்ற லீக் ஆட்டத்தில் ரோமா அணி வெரோனா அணியை எதிர்கொண்டது.
இப்போட்டியின் ஆரம்பம் முதலே அசத்தலான ஆட்டத்தை வெளிப்படுத்திய ரோமா அணிக்கு ஆட்டத்தின் 20ஆவது நிமிடத்தில் ஜியான்லுகா மான்சினியும், 22ஆவது நிமிடத்தில் ஹென்றிக் மிகிதாரியனும், 29ஆவது நிமிடத்தில் போர்ஜா மேயரும் அடுத்தடுத்து கோல்களை அடித்து அணியின் வெற்றியை முதல் பாதி ஆட்டத்திலேயே உறுதி செய்தனர்.
இதனால் முதல் பாதி ஆட்டநேர முடிவில் ரோமா அணி 3-0 என்ற கணக்கில் முன்னிலைப் பெற்றது. தொடர்ந்து நடைபெற்ற இரண்டாம் பாதி ஆட்டத்தில் தோல்வியைத் தவிர்க்க போராடிய வெரோனா அணியால் ஒரு கோலை மட்டுமே அடிக்க முடிந்தது.
இதன் மூலம் ஆட்டநேர முடிவில் ரோமா அணி 3-1 என்ற கோல் கணக்கில் வெரோனா அணியை வீழ்த்தி அபார வெற்றியைப் பதிவு செய்தது.
இதையும் படிங்க:பரிசோதனைக்கு பின் பயிற்சிக்கு திரும்பிய இந்திய வீரர்கள்
