ஐஎஸ்எல் கால்பந்து தொடரின் ஏழாவது சீசன் கோவாவில் நடைபெற்று வருகிறது. நடப்பு தொடரில் இதுவரை 4 போட்டிகளில் ஆடியுள்ள ஏடிகே மோகன்பெகான் அணி, 3 போட்டிகளில் வென்றுள்ளது. ஒரு போட்டியில் தோல்வியடைந்துள்ளது. ஐதராபாத் அணி இதுவரை 3 போட்டிகளில் ஆடி, ஒரு போட்டியில் வெற்றி பெற்றுள்ளது. 2 போட்டிகள் டிராவில் முடிந்துள்ளன.
இந்நிலையில், ஏடிகே மோகன் பகான் - ஹைதராபாத் எஃப்சி அணிகள் மோதும் 24வது ஐஎஸ்எல் லீக் போட்டி ஃபடோர்டா ஸ்டேடியத்தில் வெள்ளிக்கிழமை நடைபெற்றது. இதில், ஏ.டி.கே. மோஹுன் பாகன் அணியை 1-1 என்ற கோல் கணக்கில் ஹைதராபாத் எஃப்சி டிரா செய்தது.
ஹைதராபாத் அணியில் முன்கள வீரர்கள் ஜோயல் சையானிசும், அரிடேன் சன்டானவும் துடிப்பாக ஆடினர். ஒரு வெற்றி, 3 டிரா என நடப்பு தொடரில் தோல்வியை காணாமல் உள்ள ஹைதராபாத் அணி, நேற்றைய போட்டியிலும் தோல்வியை தவிர்க்கும் வண்ணம், தற்காப்பு ஆட்டத்தையே மேற்கொண்டது. இதன்மூலம் இந்த தொடரில் ஒரு தோல்வியையும் சந்திக்காத அணி என்ற பெருமையை ஹைதராபாத் அணி பெற்றுள்ளது.
இதையும் படிங்க: இந்திய அணி முன்னாள் கால்பந்து வீரர் எத்திராஜ் காலமானார்
