சிட்னி: டி20 உலகக் கோப்பையின் சூப்பர் 12 சுற்றில் பாகிஸ்தான்-தென்னாப்பிரிக்க கிரிக்கெட் அணிகள் இன்று (நவ. 3) மோதின. முதலில் டாஸ் வென்ற பாகிஸ்தான் அணியின் கேப்டன் பாபர் ஆசம் பேட்டிங்கை தேர்வை தேர்வு செய்தார். அதன்படி களமிறங்கி பாகிஸ்தான் வீரர்கள் 20 ஓவர்கள் முடிவில் 9 விக்கெட்டுகள் இழப்புக்கு 185 ரன்களை எடுத்தனர். அதிகபட்சமாக ஷதாப் கான் 22 பந்துகளுக்கு 52 ரன்களை குவித்தார்.
அதேபோல இப்திகார் அகமது 35 பந்துகளுக்கு 51 ரன்களையும், முகமது ஹாரிஸ் 11 பந்துகளுக்கு 28 ரன்களையும் எடுத்தனர். மறுப்புறம் பந்து வீச்சில் வெய்ன் பார்னெல், ககிசோ ரபாடா, லுங்கி என்கிடி, அன்ரிச் நார்ட்ஜே, தப்ரைஸ் ஷம்சி தலா 1 விக்கெட்டுகளை வீழ்த்தி அசத்தினர். அதைத்தொடர்ந்து 186 ரன்கள் வெற்றி இலக்குடன் தென்னாப்பிரிக்க அணி களமிறங்கியது. 9 ஓவர்கள் முடிவில் 4 விக்கெட்டுகள் இழப்பிற்கு 69 ரன்களை எடுத்தது.
