புனே: 13வது உலக கோப்பை கிரிக்கெட் தொடர் நாட்டின் பல்வேறு நகரங்களில் நடைபெற்று வருகிறது. இதில் நடப்பு சாம்பியன் இங்கிலாந்து, இந்தியா, பாகிஸ்தான், வங்கதேசம், இலங்கை, ஆப்கானிஸ்தான், ஆஸ்திரேலியா, நியூசிலாந்து, நெதர்லாந்து உள்ளிட்ட 10 அணிகள் விளையாடி வருகின்றன.
இந்நிலையில் மகாராஷ்டிரா மாநிலம் புனேவில் இன்று (நவ. 1) நடைபெறும் 32வது லீக் ஆட்டத்தில், டெம்பா பவுமா தலைமையிலான தென் ஆப்பிரிக்கா அணி, டாம் லாதம் தலைமையிலான நியூசிலாந்து அணியை எதிர்கொள்கிறது. இந்திய நேரப்படி மதியம் 2 மணிக்கு தொடங்கும் இப்போட்டியில் டாஸ் வென்ற நியூசிலாந்து கேப்டன் டாம் லாதம் பந்து வீச்சை தேர்வு செய்துள்ளார்.
ஒரு நாள் உலகக் கோப்பை தொடர் பரபரப்பான கட்டத்தை நோக்கி நகர்ந்து வருகிறது. அரையிறுதி சுற்றுக்கு தகுதி பெற அணிகளுக்கு இடையே கடுமையான போட்டி நிலவு வருகிறது. இதனால் ஒவ்வொரு ஆட்டத்திலும் வெற்றி என்பது முக்கியம், அதிலும் குறிப்பாக நெட் ரன்ரேட் அவசியம் என்ன என்பதை புரிந்து கொண்டு, ஒவ்வொரு அணியும் புதிய யுக்திகளை கையாண்டு விளையாடி வருகின்றன.
உலகக் கோப்பை போட்டிகள் பாதிக் கட்டத்தை கடந்து விட்ட நிலையில் இன்னும் சில போட்டிகளில் நாக் அவுட் சுற்றுக்கு செல்ல இருக்கும் 4 அணிகள் எவை என்பது தெரிந்து விடும். இதனால் இன்று நடக்கும் தென் ஆப்பிரிக்கா - நியூசிலாந்து போட்டியானது இரு அணிகளுக்கு முக்கியமானது என்பதால் அரையிறுதி வாய்ப்பை நோக்கி நகர இரு அணிகளும் கடுமையாக போராடும் என்பதில் சந்தேகமில்லை.
இரு அணி வீரர்கள் பட்டியல்:
நியூசிலாந்து அணி: டாம் லாதம் (கேப்டன் & விக்கெட் கீப்பர்), டெவோன் கான்வே, வில் யங், ரச்சின் ரவீந்திரா, டேரில் மிட்செல், க்ளென் பிலிப்ஸ், ஜேம்ஸ் நீஷம், மிட்செல் சான்ட்னர், மாட் ஹென்றி, லாக்கி பெர்குசன், டிரென்ட் போல்ட், டிம் சவுத்தி, இஷ் சோதி, மார்க் சாப்மேன்.
தென்னாப்பிரிக்கா அணி: குயின்டன் டி காக் (விக்கெட் கீப்பர்), டெம்பா பவுமா (கேப்டன்), ராஸ்ஸி வான் டெர் டுசென், ஐடன் மார்க்ரம், ஹென்ரிச் கிளாசென், டேவிட் மில்லர், மார்கோ ஜான்சன், ஜெரால்ட் கோட்ஸி, கேசவ் மகராஜ், லுங்கி என்கிடி, தப்ரைஸ் ஷம்சிக்ஸ், ரீசா ஹெண்ட்ரிக்ஸ், ககிசோ ரபாடா, ஆண்டிலே பெஹ்லுக்வாயோ, லிசாட் வில்லியம்ஸ்.
இதையும் படிங்க: PAK Vs BAN: தொடர் தோல்வியில் இருந்து மீண்ட பாகிஸ்தான் அணி.. 7 விக்கெட்கள் வித்தியாசத்தில் அபார வெற்றி!
