உலகக்கோப்பை ஒருநாள் கிரிக்கெட் தொடர் மே.30 ஆம் தேதி தொடங்கி ஜூலை 14ஆம் தேதி வரை நடைபெறவுள்ளது. இதற்கான வீரர்களை அனைத்து நாட்டு கிரிக்கெட் வாரியங்களும் அறிவித்துள்ள நிலையில், உலகக்கோப்பை கிரிக்கெட் தொடரில் பங்கேற்கவுள்ள இலங்கை அணியினர் இன்று காலை இங்கிலாந்து புறப்பட்டுச் சென்றனர்.
மேலும் ஐபிஎல் தொடரில் விளையாடிவரும் இலங்கை அணியின் மூத்த வீரர் மலிங்கா பின்னர் அணியுடன் இணைவார் எனத் தெரிவிக்கப்பட்டுள்ளது.
உலகக்கோப்பை ஒருநாள் கிரிக்கெட் தொடரில் பங்கேற்க இங்கிலாந்து புறப்பட்ட இலங்கை வீரர்கள்
சில நாட்களுக்கு முன்னர் இலங்கை தேவாலயங்கள், நட்சத்திர விடுதிகள் உள்ளிட்ட இடங்களில் நடந்த தொடர் குண்டுவெடிப்பு தாக்குதலால் இலங்கை அணி வீரர்களுக்கு பலத்த பாதுகாப்பு அளிக்கப்பட்டது.
மேலும் உலகக்கோப்பைத் தொடரில் இலங்கை அணிக்கு திமுத் கருணரத்னே கேப்டனாக நியமிக்கப்பட்டுள்ளார்.
