ஆஸ்திரேலியாவில் நடைபெற்றுவரும் மகளிர் டி20 உலகக்கோப்பை தொடரானது தற்போது இறுதிக்கட்டத்தை எட்டியுள்ளது. நாளை மறுநாள் நடைபெறவுள்ள இத்தொடரின் இறுதிப்போட்டியில், இந்திய மகளிர் அணி - ஆஸ்திரேலிய மகளிர் அணியை எதிர்கொள்கிறது.
இந்நிலையில் செய்தியாளர்களை சந்தித்த ஆஸ்திரேலிய அணியின் கேப்டன் மெக் லேனிங், ”நாங்கள் இத்தொடரின் இறுதிப்போட்டி வரை வருவோம் என்பதை எதிர்பார்க்கவில்லை. ஏனேனில் இத்தொடரின் முதல் ஆட்டத்திலேயே நாங்கள் இந்திய அணியிடம் படுதோல்வியடைந்தோம். பின் எங்கள் அணி வீராங்கனைகள் மற்ற போட்டிகளில் சிறப்பாக விளையாடி தற்போது இறுதிப் போட்டிவரை அழைத்துவந்துள்ளனர்.
எங்கள் அணி இதற்கு முன்பாக நான்கு முறை இந்த உலகக் கோப்பையை கைப்பற்றியுள்ளது. தற்போது நாங்கள் அதன் எண்ணிக்கையை உயர்த்த கடமைப்பட்டுள்ளோம். மேலும் எங்கள் அணி நட்சத்திர வீராங்கனை எல்லீஸ் பெரி காயம் காரணமாக விலகியுள்ளது வருத்தமளிக்கும் விஷயம்தான். இருப்பினும் நாங்கள் எங்களது முயற்சியிலிருந்து விடுபடப்போவதில்லை” என்றார்.
இதையும் படிங்க:ஃபெட் கோப்பை: 2-1 என்ற கணக்கில் கொரியாவை வீழ்த்திய இந்தியா
