இந்திய கிரிக்கெட் அணியின் கேப்டன் விராட் கோலியும் , நடிகை அனுஷ்கா ஷர்மாவும் நீண்ட நாள்களாக காதலித்து வந்த நிலையில், 2017ஆம் ஆண்டு இத்தாலியில் உறவினர்கள் முன்னிலையில் திருமணம் செய்துகொண்டனர்.
அன்றிலிருந்து இன்று வரை இந்தியாவின் நட்சத்திர ஜோடியாக விராட் கோலி - அனுஷ்கா ஷர்மா இணை வலம் வருகின்றனர். இந்த இணை இன்ஸ்டாகிராமில் பகிரும் ஒவ்வொரு புகைப்படமும் ரசிகர்களிடையே வைரலாகி வருகிறது.
இந்நிலையில், கடந்த ஆகஸ்ட் 27ஆம் தேதி விராட் கோலி ட்விட்டர் பக்கத்தில் தனது மனைவி அனுஷ்கா கர்ப்பமாக இருக்கும் புகைப்படத்தை இணைத்திருந்தார். இதையடுத்து, கிரிக்கெட் வீரர்களும் ரசிகர்களும் வாழ்த்துகளால் சமூக வலைதளங்களை நிரப்பினர். தற்போது ஐபிஎல் தொடரில் பங்கேற்பதற்காக விராட் கோலி ஐக்கிய அரபு அமீரகத்தில் இருக்கிறார். இந்நிலையில், இந்த தருணத்தை இருவரும் கேக் வெட்டி கொண்டாடும் வீடியோ இணையத்தில் வைரலாகியுள்ளது.
- " class="align-text-top noRightClick twitterSection" data="
">
ஐபிஎல் டீமின் அதிகாரப்பூர்வ இன்ஸ்டாகிராம் பக்கத்தில் வெளியான இந்த வீடியோவில், விராட் கோலி தனது மனைவியும் நடிகையுமான அனுஷ்கா சர்மாவுடன் கேக்கை வெட்டுகிறார். பின்னர், தங்களது முதல் குழந்தை குறித்த மகிழ்ச்சியை வெளிப்படுத்தும் விதமாக மென்மையான முத்தங்களை இருவரும் பரிமாறிக்கொள்கின்றனர். தற்போது இந்த வீடியோ பகிரப்பட்டு வருகிறது.
இதையும் படிங்க:தந்தையாகும் விராட் கோலி!
