இசையைத் திருடிய ’ராசாத்தி’ - இயக்குநர் புலம்பல்!

சென்னை: பிரபல தனியார் தொலைக்காட்சியில் ஒளிபரப்பாகும் தொடரில் தங்களது படத்தின் இசை திருடப்பட்டுள்ளதாகப் படக்குழுவினர் காவல் ஆணையர் அலுவலகத்தில் புகாரளித்துள்ளனர்.

இது தொடர்பாக செய்தியாளர்களைச் சந்தித்த திரைப்பட இயக்குநர் ரவிச்சந்தர்,

”மாசாணி, ஐந்தாம் தலைமுறை திரைப்படங்களுக்குப் பிறகு, ’நான் அவளை சந்தித்த போது’ என்ற படத்தை இயக்கி முடித்துள்ளேன். மேலும், இந்தப் படத்திற்கு 17 லட்ச ரூபாய் செலவழித்து இசை அமைத்திருக்கிறேன். நாளை வெளியாகவுள்ள இப்படத்தின் பின்னணி இசையைத் திருடி சன் தொலைக்காட்சியில் இரவு 9 மணிக்கு ஒளிபரப்பாகும் ராசாத்தி தொடரில் பயன்படுத்தியுள்ளனர்.

இதனால், பல கோடி ரூபாய் செலவு செய்து எடுக்கப்பட்ட படத்தை திரையிடுவதில் சிக்கல் ஏற்பட்டு, பெரும் இழப்பு ஏற்பட்டுள்ளது. தொலைக்காட்சியில் திரையிடும் சாட்டிலைட் உரிமை வியாபாரம் ஆகாமல் இருக்கிறது. இது தொடர்பாக பல்வேறு திரைச் சங்கங்களில் புகாரளித்தும் எந்தவிதமான நடவடிக்கையும் எடுக்காததால் காவல் ஆணையரை சந்தித்து நடவடிக்கை எடுக்கவேண்டும் என மனு அளித்துள்ளோம்“ எனத் தெரிவித்தார்.

இதையும் படிங்க: வெங்கட் பிரபுவை டார்கெட் செய்யும் அஜித் - சிம்பு ரசிகர்கள்!