நடிகர் யாஷ் நடிப்பில் 2018ஆம் ஆண்டு வெளியான திரைப்படம் 'கே.ஜி.எஃப்.'. பிரசாந்த் நீல் இயக்கிய இப்படம் தமிழ், தெலுங்கு, இந்தி, கன்னடம், மலையாளம் ஆகிய மொழிகளில் வெளியாகி ரூ.100 கோடி வசூல்செய்து சாதனைப் படைத்தது.
இதனையடுத்து 'கே.ஜி.எஃப்.' படத்தின் இரண்டாம் பாகம் மிகப்பெரிய பட்ஜெட்டில் பிரமாண்டமாகத் தயாராகிவருகிறது. சமீபத்தில் இப்படத்தின் படப்பிடிப்பு நடந்துமுடிந்த நிலையில், இறுதிகட்டப் பணிகள் மும்முரமாக நடைபெற்றுவருகின்றன.
'கே.ஜி.எஃப். 2' திரைப்படம் ஜூலை 16ஆம் தேதி வெளியாகும் எனப் படக்குழுவினர் அறிவித்த நிலையில், கரோனா இரண்டாவது அலை காரணமாக வெளியீட்டுத் தேதி தள்ளிவைக்கப்பட்டது.
இந்நிலையில் கரோனா இரண்டாவது அலையின் தீவிரம் குறைந்துவருவதால், படத்தை செப்டம்பர் 9ஆம் தேதி வெளியிடப் படக்குழு முடிவுசெய்துள்ளதாகத் தகவல் வெளியாகியுள்ளது. விரைவில் இது தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
இதையும் படிங்க: ஆர்டர்செய்த உணவில் கரப்பான் பூச்சி: கடுப்பான நிவேதா பெத்துராஜ்
