தமிழ் சினிமாவில் 'மாநகரம்', 'கைதி', 'மாஸ்டர்' என ஹாட்ரிக் வெற்றிப் படங்களைக் கொடுத்தவர் லோகேஷ் கனகராஜ். இவர் கமல் ஹாசனை வைத்து 'விக்ரம்' என்ற படத்தை இயக்கி வருகிறார்.
இதில் விஜய் சேதுபதி, ஃபகத் பாசில் ஆகியோர் வில்லனாக நடிக்கின்றனர். மேலும் நரேன், ஷிவானி, காளிதாஸ் ஜெயராம் ஆகியோர் படத்தில் முக்கிய கதாபாத்திரங்களில் நடிக்கின்றனர்.
இப்படத்தின் இரண்டாம் கட்ட படப்பிடிப்பு சமீபத்தில் சென்னையில் நிறைவடைந்தது.
இந்நிலையில் விக்ரம் படத்தின் அடுத்த கட்ட படப்பிடிப்பு இம்மாதம் 13 ஆம் தேதி தொடங்கவுள்ளதாக கூறப்படுகிறது. சென்னையில் தொடங்கும் மூன்றாம் கட்ட படப்பிடிப்பையும் விரைந்து முடிக்க படக்குழு திட்டமிட்டுள்ளதாக தெரிவிக்கிறது.
ஒரு பக்கம் பிக்பாஸ் 5 ஆவது சீசனின் படப்பிடிப்பு, மறுபக்கம் படத்தின் படப்பிடிப்பு என கமல் ஹாசன் பிஸியாக வலம் வந்து கொண்டிருக்கிறார்.
இதையும் படிங்க :வலிமையின் புதிய அப்டேட் - ரசிகர்கள் கொண்டாட்டம்!
