நடிகர் விஜய்யின் தந்தை எஸ்.ஏ. சந்திரசேகர் இயக்கத்தில் வெளியான 'சுக்ரன்' திரைப்படம் மூலம் இசையமைப்பாளராக அறிமுகமானவர் விஜய் ஆண்டனி. தொடர்ந்து டிஷ்யூம், காதலில் விழுந்தேன், வேட்டைக்காரன், நினைத்தாலே இனிக்கும் உள்ளிட்ட பல்வேறு திரைப்படங்களுக்கு இசையமைத்து தனக்கென தனி ரசிகர் பட்டாளத்தை உருவாக்கிக்கொண்டார்.
இசையமைப்பதோடு மட்டுமல்லாமல், பாடலாசிரியராகவும் பணியாற்றிவந்த விஜய் ஆண்டனி 'நான்' திரைப்படம் மூலம் நடிகராக அவதாரம் எடுத்தார். தொடர்ந்து சலீம், பிச்சைக்காரன், சைத்தான், எமன், காளி, கொலைகாரன் உள்ளிட்ட பலவேறு வெற்றிப்படங்களில் நடித்து அசத்தி வருகிறார். சசி இயக்கத்தில் விஜய் ஆண்டனி நடித்த பிச்சைக்காரன் திரைப்படம் மாபெரும் வெற்றிபெற்றது. தமிழரசன், அக்னிச் சிறகுகள், காக்கி, விஜய் மில்டன் இயக்கும் புதிய படங்களில் இவர் நடித்து வருகிறார்.
விஜய் ஆண்டனி இசையமைப்பில் வெளியான நாக்க முக்க, ஆத்திச் சூடி, டைலாமோ டைலாமோ, பன்னாரஸ் பட்டுக்கட்டி, என் உச்சி மண்டைல சுர்ருங்குதே, மாக்கயலா மாக்கயலா உள்ளிட்ட பல்வேறு பாடல்கள் பட்டிதொட்டியெல்லாம் ஒலித்தன.
தற்போது, விஜய் ஆண்டனியைப் பாராட்டியும், அவரைப் புகழ்ந்தும் பிரபல யுடியூபர் ஒருவர் நான்கு நிமிட வீடியோ ஒன்றை பதிவிட்டுள்ளார். அதில் ஏன் விஜய் ஆண்டனி சிறந்த பாடலாசிரியராக இருக்கிறார்? என குறிப்பிட்டு அவர் இசையமைத்த பாடல்களை மேற்கோள்காட்டி கலாய்த்தும், வெகுவாக பாராட்டியும் உள்ளார்.
-
Good one abi enjoyed it 😊👍 https://t.co/V6oCbbqhqU
— vijayantony (@vijayantony) October 25, 2019 " class="align-text-top noRightClick twitterSection" data="
">Good one abi enjoyed it 😊👍 https://t.co/V6oCbbqhqU
— vijayantony (@vijayantony) October 25, 2019Good one abi enjoyed it 😊👍 https://t.co/V6oCbbqhqU
— vijayantony (@vijayantony) October 25, 2019
இந்த வீடியோவைப் பார்த்துவிட்டு, 'நன்றாக இருக்கிறது, நீங்கள் ரசித்துள்ளீர்கள் ' என புன்சிரிப்புடன் ட்வீட் செய்துள்ளார் விஜய் ஆண்டனி.
