'நேர்கொண்ட பார்வை' படத்தின் வெற்றியை தொடர்ந்து ஹெச்.வினோத் இயக்கத்தில் அஜித் நடிப்பில் உருவாகியுள்ள படம் 'வலிமை'. ஹூமா குரேஷி, தெலுங்கு நடிகர் கார்த்திகேயா உள்ளிட்டோர் நடித்துள்ள இப்படத்தை போனி கபூர் தயாரித்துள்ளார்.
நீண்ட நாள்களாக இப்படத்தின் அப்டேட் கேட்ட ரசிகர்களை மகிழ்விக்கும் விதமாக படத்தின் ஃபர்ஸ்ட் லுக் போஸ்டர் மற்றும் ஒரு பாடல் கடந்த சில வாரங்களுக்கு முன்பு வெளியாகி வரவேற்பைப் பெற்றுள்ளது.
இந்நிலையில் அஜித் ரசிகர்களின் பார்வை தற்போது வலிமை படத்தின் டீசர், ரிலீஸ் தேதி பக்கம் திரும்பியுள்ளது. இதனிடையே வலிமை படத்தின் டீசர் வரும் 23 ஆம் தேதி ரிலீஸாகவுள்ளதாக சமூக வலைதளங்களில் தகவல் வெளியாகியுள்ளது.
மேலும் வலிமை திரைப்படம், தீபாவளிக்கு வெளியாகும் என கூறப்பட்ட நிலையில், அதுகுறித்த எந்த தகவலையும் அதிகாரப்பூர்வமாக படக்குழு வெளியிடாமல் உள்ளது.
இதையும் படிங்க: நாளை சிம்பு ரசிகர்களுக்கு காத்திருக்கும் வேற லெவல் சர்ப்ரைஸ்
