பள்ளிக்கரணையைச் சேர்ந்த வழக்கறிஞர் ஸ்ரீதர், 'நுங்கம்பாக்கம்' திரைப்பட இயக்குநருக்கு எதிராகக் காவல் ஆணையரிடம் புகார் மனு கொடுத்துள்ளார்.
அந்த மனு குறித்து அவர், " நுங்கம்பாக்கம் ரயில் நிலையத்தில் கொலை செய்யப்பட்ட சுவாதி கொலையை மையமாக வைத்து தயாரிப்பாளர் ரவிதேவன், இயக்குநர் ரமேஷ் செல்வன் ஆகியோரால் 'சுவாதி கொலை வழக்கு' என்ற திரைப்படம் எடுக்கப்பட்டது.
இப்படத்தில் பட்டியலினத்தவர்களுக்கு எதிரான கருத்துகள் இருப்பதால் வெளியிடக் கூடாது என நீதிமன்றத்தில் முறையிட்டோம். அவர்களும் படத்தை வெளியிடமாட்டோம் என்று உறுதியளித்தனர்.
ஆனால், தற்போது நுங்கம்பாக்கம் என்ற பெயரில் திரைப்படத்தை வெளியிட்டு பட்டியலின மக்களை அவமானப்படுத்த முயற்சிப்பதால், அப்படத்தின் இயக்குநர், தயாரிப்பாளரை கைது செய்ய வேண்டும் எனக் காவல் ஆணையரிடம் புகார் மனு கொடுத்துள்ளோம்" என்று கூறினார்.
