பொதுவாக நடிகர்கள் நடிப்பு தவிர இயக்கம், பாடல்கள் எழுதுவது, படங்கள் தயாரிப்பது உள்ளிட்ட சினிமா சார்ந்த பணிகளில் ஈடுபவதை வழக்கமாகக் கொண்டுள்ளனர். ஆனால் இவற்றிலிருந்து சற்று வித்தியாசமானவராகத் திகழும் நடிகர் அஜித்குமார், பைக் மற்றும் கார் ரேஸிங், சமையல், ட்ரோன் வடிவமைப்பு என வெவ்வேறு துறைகளில் தனது தனி திறமையை வெளிப்படுத்தி வருகிறார்.
இதன் காரணமாக ரசிகர்கள் மட்டுமல்லாமல் பலரும் இன்ஷிபிரேஷனாகத் திகழ்கிறார் அஜித். சமீபத்தில் இவரது நடிப்பில் வெளிவந்த நேர்கொண்ட பார்வை படம் சூப்பர் ஹிட் ஆன நிலையில் தனது அடுத்த படத்துக்காக தயாராகி வந்தார்.
இந்த நிலையில், 1990களில் வெளிவந்த முகவரி, வாலி, கண்டுகொண்டேன் கண்டுகொண்டேன் படத்திலிருந்து தோன்றிய ஹேண்ட்சம் லுக்குக்கு மாறியுள்ள அவர் டெல்ல செல்வதற்காக விமான நிலையம் வந்தார். அப்போது ரசிகர்கள் அவரை அங்கு சூழ்ந்துகொண்டு செஃல்பிக்களாக எடுத்துத் தள்ளினர்.
ஒரு கட்டத்தில் ரசிகர்களிடம் ஃபோனை வாங்கிய தன்னை சூழ்ந்திருந்த ரசிகர்களுக்கு மத்தியில் தானே செல்ஃபி எடுத்து அவர்களைக் குஷிப்படுத்தினார். இந்தப் படங்கள் இணையத்தில் வெளியாகி ட்ரெண்டாகின.
இதையடுத்து விமானம் மூலம் டெல்லி சென்ற அவர், டாக்டர் கர்னி சிங் துப்பாக்கி சுடும் பயிற்சி மையத்தில் துப்பாக்கி சுடும் பயிற்சியில் ஈடுபட்டு வருகிறார்.
கடந்த சில வாரங்களுக்கு முன்னதாக கோவையில் நடைபெற்ற தேசிய அளவிலான துப்பாக்கி சுடும் போட்டியில் கலந்துகொண்டார். அதில், 10 மீட்டர் ஏர் பிஸ்டல் பிரிவில் சென்னை ரைஃபிள் கிளப் சார்பாக பங்கேற்று அடுத்த சுற்றுக்கு தகுதிபெற்றார்.
இதைத்தொடர்ந்து தற்போது 10 மீட்டர் தகுதி பிரிவில்தான் பயிற்சியில் ஈடுபட்டு வருகிறார்.
மேலும் படிக்க: துப்பாக்கிச் சுடுதல் போட்டியின் அடுத்த லெவல்: அஜித் எப்பவுமே வேற லெவல்!
