உலகமெங்கிலும் டெர்மினேட்டர் படத்தொடருக்கு கோடிக்கணக்கான ரசிகர்கள் உள்ளனர். ஆக்ஷன் படங்களின் வரலாற்றை மாற்றிய 'டெர்மினேட்டர்' படம் மூலம் தான் ஹாலிவுட்டில் பிரபலமானார் நடிகர் அர்னால்ட். உலகில் அதிக வசூல் சாதனை புரிந்த படங்களில் 'டெர்மினேட்டர்' முதல் பாகமும் இரண்டாம் பாகமும் உள்ளது.
நீண்ட இடைவேளைக்குப் பின் ஜேம்ஸ் கேமரூன் தயாரித்திருக்கும் 'டெர்மினேட்டர் டார்க் ஃபேட்' (Terminator Dark Fate) படத்தில் டெர்மினேட்டராக மீண்டும் நடித்துள்ளார் அர்னால்ட். இந்த ஆண்டு இப்படத்தினை இந்தியாவில் ஃபாக்ஸ் ஸ்டுடியோஸ் (Fox Studios) வெளியிடவுள்ள நிலையில், இதன் தமிழ் டிரெய்லரின் வெளியீட்டு விழா சென்னையில் நடைபெற்றது. இவ்விழாவில் நடிகர் ஆர்யா கலந்து கொண்டு டிரெய்லரை வெளியிட்டார்.
இதனையடுத்து பேசிய ஆர்யா, அர்னால்ட் நடித்த டெர்மினேட்டர் திரைப்படம் உலகம் முழுக்க பிரபலம், அவரின் படத்தின் டிரெயலரை நான் வெளியிடுவது மிக்க மகிழ்ச்சி என்றார். ஸ்டாராக இருப்பதால் மட்டும் அர்னால்ட் பிரபலம் கிடையாது. அதற்கு காரணம் அவருடைய பாடி பிஸிக் தான். அன்றைய காலகட்டத்திலேயே அவர் ஏழு முறை உலக அழகன் பட்டம் வென்றவர். உலகம் முழுக்க 'அர்னால்ட் ஜிம் ஒர்கவுட்' என்றே நிறைய இருக்கிறது. இதை சாதிப்பது சாதாரணம் கிடையாது. உலகம் முழுக்க இருக்கிற இளைஞர்களுக்கு அவர் ஒரு இன்ஸ்பிரேஷன் என்று அர்னால்டை புகழ்ந்து தள்ளியிருக்கிறார்.
இதையும் படிங்க: விமர்சனங்களுக்கு 'END CARD' போட்ட ப்ளூ சட்டை!