தமிழில் 2003இல் வெளிவந்த ஜெயம் படத்தில் வில்லனாகத் தோன்றியவர் கோபிசந்த். அந்தப் படத்தில் காதல் ஜோடிகளான ஜெயம் ரவி - சதா மட்டுமல்லாமல் ரசிகர்கள் மத்தியிலும் தனது வில்லத்தனத்தால் வெறுப்பை சம்பாதித்தார். இவர் தெலுங்கில் ஹீரோவாக 25-க்கும் மேற்பட்ட படங்களில் நடித்துள்ளார்.
இந்த நிலையில், கோபிசந்த் நடிக்கவிருக்கும் 28ஆவது படம் பூஜையுடன் தொடங்கியுள்ளது. #கோபிசந்த்28 என்று அழைக்கப்படும் இந்தப் படம் கபடி விளையாட்டை மையமாக வைத்து உருவாகிறது. படத்தில் கோபிசந்துக்கு ஜோடியாக தமன்னா நடிக்கவுள்ளார். இதையடுத்து படத்துக்காக ஹைதராபாத்தில் நடிகை தமன்னா கபடி பயிற்சி மேற்கொள்ளவுள்ளாராம்.
'ரச்சா', 'பெங்கால் டைகர்' என அடுத்தடுத்து ஹிட் படங்களை கொடுத்த சம்பத் நந்தி கோபிசந்த்28 படத்தை இயக்குகிறார்.
