ஹெச். வினோத் இயக்கத்தில் நடிகர் அஜித் நடித்துள்ள திரைப்படம் 'வலிமை'. அஜித்துக்கு ஜோடியாகப் பாலிவுட் நடிகை ஹூமா குரேஷி, வில்லனாக தெலுங்கு நடிகர் கார்த்திகேயா ஆகியோர் நடித்துள்ளனர்.
ஓயாமல் அப்டேட் கேட்டு நச்சரித்துக் கொண்டிருந்த அஜித் ரசிகர்களுக்கு, வலிமை அடுத்தாண்டு பொங்கல் பண்டிகைக்குத் திரையரங்குகளில் வெளியாகும் என போனிகபூர் தெரிவித்துள்ளார்.
வலிமை படப்பிடிப்பு முடிவடைந்த நிலையில், படத்தின் இறுதிக்கட்ட பணிகள் நடைபெற்றுவருகின்றன. இன்னும் படம் வெளியாக ஒருமாதம் மட்டுமே இருக்கும் நிலையில் இதில் இடம்பெற்றுள்ள இரண்டு பாடல்கள், கிளிம்ப்ஸ் காட்சி வெளியாகி சக்கைப்போடு போட்டது.
இந்நிலையில் வலிமை படத்தின் மேக்கிங் காணொலி இன்று (டிசம்பர் 15) வெளியாகவுள்ளதாகத் தகவல் வெளியாகியுள்ளது. மேலும் அதில் அஜித்தின் பைக் ஸ்டண்ட் காட்சிகள் இடம்பெறும் என ரசிகர்கள் எதிர்பார்த்துக் காத்துள்ளனர்.
இதையும் படிங்க: Valimai update:'வலிமை' திரையரங்கு உரிமையைக் கைப்பற்றிய நிறுவனம் எது?
