அட்லீ இயக்கத்தில் உருவாகிவரும் ’தளபதி 63’ படத்தின் வேலைகளில் விஜய் பிஸியாக இருக்கிறார். இந்த படத்தில் நயன்தாரா, யோகி பாபு, டேனியல் பாலாஜி உள்ளிட்ட பலர் நடிக்கின்றனர். தீபாவளி அன்று இந்த படம் திரைக்கு வரும் என அறிவிக்கப்பட்டுள்ளது. இது ஒருபுறமிருக்க, விஜய்யின் அடுத்த படம் என்ன என்பது அவரது ரசிகர்களின் கேள்வியாக இருந்தது.
‘மாநகரம்’ படத்தை இயக்கிய லோகேஷ் கனகராஜ் விஜய்யின் அடுத்த படத்தை இயக்கவுள்ளார் என கூறப்படுகிறது. இந்நிலையில், ‘சட்டம் ஒரு இருட்டறை 2’ படத்தை இயக்கிய ஸ்நேகா ப்ரிட்டோ, லோகேஷிடம் உதவி இயக்குநராக பணியாற்ற இருக்கிறார் என தகவல்கள் வெளியாகியுள்ளன.
ஸ்நேகாவின் தந்தை விமல் ஒரு தயாரிப்பாளர். விஜய் நடித்த ’ரசிகன்’, ’தேவா’ ஆகிய படங்களை இவர் தயாரித்துள்ளார். அவர்தான் இந்த படத்தையும் தயாரிக்க இருப்பதாக கூறப்படுகிறது. இவர் விஜய்யின் உறவினர் என்பது கூடுதல் தகவல். ’தளபதி 64’ பற்றிய அதிகாரப்பூர்வ அறிவிப்பு வெகு விரைவில் வெளியாகும் என எதிர்பார்க்கப்படுகிறது.
