வெங்கட் பிரபு இயக்கத்தில், சுரேஷ் காமாட்சி தயாரிப்பில் உருவாகியுள்ள, 'மாநாடு' படத்தில் சிம்பு ஹீரோவாக நடித்துள்ளார்.
இவருடன் கல்யாணி பிரியதர்ஷன், எஸ்.ஜே. சூர்யா, பாரதிராஜா, உதயா, பிரேம்ஜி எனப் பலர் நடித்துள்ளனர். இப்படத்தின் படப்பிடிப்பு அனைத்தும் நிறைவடைந்த நிலையில், போஸ்ட் புரொடக்ஷன் பணிகள் விறுவிறுப்பாக நடைபெற்றுவருகின்றன.
இத்திரைப்படம் வரும் தீபாவளி பண்டிகையன்று வெளியாகும் எனப் படக்குழுவினர் சமீபத்தில் அறிவித்திருந்தனர். நீண்ட இடைவெளிக்குப் பிறகு சிம்புவை திரையில் காண இருப்பதால் தற்போதிலிருந்தே அவரது ரசிகர்கள் ஆர்வமாக உள்ளனர்.
இந்நிலையில் சிம்பு மாநாடு படத்தின் ட்ரெய்லர் விரைவில் வெளியாகவுள்ளதாக அறிவித்துள்ளார். இது குறித்து சிம்பு வெளியிட்டுள்ள பதிவில், "மாநாடு ட்ரெய்லர் ஆன் தி வே" என அவர் டப்பிங் பேசும் புகைப்படத்துடன் பதிவிட்டுள்ளார். இந்த அறிவிப்பால் சிம்பு ரசிகர்கள் மிகுந்த உற்சாகத்தில் உள்ளனர்.
இதையும் படிங்க: ஜெட் வேகத்தில் படப்பிடிப்பை முடிக்கும் சிம்பு
