'எங்கேயும் எப்போதும்' படம் மூலம் கோலிவுட்டில் பிரபலமானவர் நடிகர் ஷர்வானந்த். தெலுங்கு படங்களில் மட்டும் நடித்துவந்த இவர் தற்போது தமிழ், மலையாளம் ஆகிய திரைப்படங்களிலும் நடித்துவருகிறார்.
ஷர்வானந்த் தற்போது மலையாளத்தில் 'ஸ்ரீகரம்' என்ற படத்தில் நடித்துவருகிறார். கிஷோர் இயக்கிவரும் இப்படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது. அதில் ஷர்வானந்த், லுங்கி கட்டிக்கொண்டு கிராமத்து மனிதர் போல தோற்றமளிக்கிறார். இதை வைத்து பார்க்கையில் கிராமத்து பின்னணியை மையமாக வைத்து இப்படம் உருவாகியிருப்பதாகத் தெரிகிறது.
இதில் நாயகியாக பிரியங்கா அருள் மோகன் நடித்துவருகிறார். இவர் ஏற்கனவே நானியுடன் இணைந்து கேங் லீடர் படத்தில் நடித்திருந்தார் என்பது குறிப்பிடத்தக்கது. 'ஸ்ரீகரம்' படம் கோடை விடுமுறைக்கு வெளியாகும் என்று படக்குழு அறிவித்துள்ளது. மேலும் படத்தின் மற்ற அப்டேட்கள் விரைவில் வெளியாகும் என்றும் எதிர்பார்க்கப்படுகிறது.
இதையும் படிங்க: கூடைப்பந்து ஜாம்பவானுக்கு பிரியங்கா சோப்ரா இரங்கல்
